Lege- vikariat

Ein av våre legar skal ha permisjon og det er difor ledig 80 % vikariat for perioden 01.03.-31.12.2026. Stillinga er delt mellom 50 % på helsestasjon og 30 % på sjukeheim. Det er ikkje plikt til legevakt i denne stillinga, men dersom du er kvalifisert og har ønske om det, kan du ha høve til å ta legevakter ved Søre Sunnmøre legevakt.

Søre Sunnmøre legevakt er eit interkommunalt legevaktssamarbeid på kveld/helg/høgtid. Det er alltid sjukepleiar på jobb saman med legevaktslege. Legevakta har også eigen legevaktbil med ambulansearbeidar, som gjer legevaktsarbeidet meir mobilt. På legevakt er legane fastløna og Volda er vertskommune.

Legetenesta i Ørsta består elles av 15 fastlegar og to LIS1-stillingar som alle er lokaliserte ved Ørsta helsesenter, samt kommuneoverlege i 100 % stilling.
Du vil få høve til å delta på vekentlege møte på Ørsta helsesenter og slik vere ein del av legefellesskapet i Ørsta kommune.

 

Helsestasjon/skulehelseteneste:

Arbeidet vil i hovudsak vere obligatoriske legekontrollar i samsvar med helsestasjonsprogrammet. I tillegg deltek ein på helsestasjon for ungdom (HFU).

Ein har også kontakt med skulane og elevar/føresette ved behov.

Legen er ansvarleg for alle førsteklasseundersøkingane og enkelte konsultasjonar for barn som kjem som flyktningar.

 

Helsestasjonen har eigen avdelingsleiar som vil vere din leiar i delen av stillinga som er knytt til helsestasjonen. Helsestasjonen har omtrent 12 årsverk fordelt på 17 tilsette. Bemanninga består av helsestasjonslege, helsesjukepleiarar, jordmor, merkantil, kommunepsykolog og engasjementstilling for familieterapeut. Vi har også 20% fysioterapeut knytt til helsestasjon 0-5 år.

Ørsta er BTI-kommune (betre tverrfagleg innsats) og vi er godt i gang med implementering av denne måten å jobbe systematisk og tverrfagleg rundt barn og familiar.

Helsestasjonen er lokalisert i same bygg som ergo, fysio, friskliv og Ørsta helsesenter (fastlegane).

Spørsmål om helsestasjon? Kontakt Camilla Nupen Sjukeheim:

Kommunen har to sjukeheimslegestillingar. I tillegg til denne som er utlyst, er det 90 % stilling ved Ørstaheimen. Tenesteleiar for omsorgs og sjukeheim er leiar for sjukeheimslegane.

Arbeidstida er fordelt med ein fast dag i veka ved Hjørundfjordeheimen på Sæbø og ein halv fast dag i veka ved Vartdal Helsetun på Vartdal.
Det kan vurderast ei anna fordeling av arbeidstida dersom dette er meir føremålstenleg. Det er lagt til rette for kontakt mellom helsepersonell og lege også utanom dei faste tilstadesdagane, hovudsakleg via telefon.

 

Spørsmål om sjukeheim? Kontakt Wenche Flo

Arbeidsoppgåver

Helsestasjon:

• legekontrollar i følge helsestasjonsprogrammet
•  helsestasjon for ungdom
• du inngår om ønskeleg i fleire team på hesestasjonen(skuleteam/helsestasjonsteam)
• enkelte førstegongskontrollar for barn som kjem som flyktningar

Sjukeheim:

tilsynslegeoppgåver ved Vartdal helsetun og Hjørundfjorheimen på Sæbø

Kvalifikasjonar

• du oppfyller krava i Forskrift om kompetansekrav for leger
• du uttrykker deg godt på norsk både munnleg og skriftleg
• det er krav om godkjend politiattest
• du har førarkort, klasse B og kan disponere eigen bil i teneste

Personlege eigenskapar

Vi søker etter ein lege som

• likar å jobbe både sjølvstendig og samarbeide med andre
• skaper gode relasjonar til born, føresette og pårørande
• er opptatt av fagutvikling
• har interesse både for forebyggande oppgåver og helseutfordringar hjå eldre
• er fleksibel
• snarleg tilsetting vil verte prioritert

Vi tilbyr

• godt legefellesskap der du har høve til å delta på vekentlege møte saman med fastlegane
• dyktige kollegaer både på helsestasjonen og på sjukeheimane
• Spennande utfordringar og ein variert arbeidskvardag
• Arbeidstid på dagtid med fleksitidsordning
• Gode forsikrings og pensjonsvilkår:
  Ørsta kommune har gode forsikringsordningar i KLP for sine tilsette, som også inkl. frivillig ulukkesforsikring  på fritida. 
  Som tilsett i Ørsta kommune får du del i ei av Noreg sine sikraste pensjonsordningar: offentleg tenestepensjon. Der dei fleste tenestepensjonar berre vert utbetalt i 10 år, er offentleg tenestepensjon ei utbetaling som varer frå den dagen du sluttar å jobbe og livet ut. Pensjonen inkluderer også uføre- og etterlattepensjon om noko uventa skulle skje.
  Som medlem i KLP får du i tillegg tilgong til ekstra gode vilkår på bank, forsikring og sparing.

Løn etter avtale

Kontaktinformasjon

Camilla Nupen, Avdelingsleiar helsestasjonen, 900 75 316, camilla.nupen@orsta.kommune.no
Wenche Flo, Tenesteleiar Omsorg og sjukeheim, 957 12 120, wenche.flo@orsta.kommune.no
Runa Bakke, Tenesteleiar, 916 21 147, runa.bakke@orsta.kommune.no

Arbeidsstad

Håkonsgata 78
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 5063533163
Stillingsprosent: 80%
Vikar
Startdato: 01.03.2026
Sluttdato: 31.12.2026
Søknadsfrist: 04.02.2026