Molekylærbiolog

Avdeling for medisinsk genetikk (MGM) er ei av åtte organisatoriske einingar i Laboratorieklinikken, Haukeland universitetssjukehus. Avdelinga har regionansvar for genetiske tenester i Helse Vest. Vi har om lag 90 tilsette med ulik yrkesfagleg bakgrunn, og vi er organisert i ein seksjon for klinisk genetikk, ei laboratorieeining med to seksjonar og ein merkantil seksjon. Regionalt kompetansesenter for arveleg kreft (RKAK) og Regionalt senter for presisjonsmedisin er også knytta til avdelinga. Vi held til i lyse og trivelege lokale i 6. etasje i Laboratoriebygget, medan vår Medisinsk-genetiske poliklinikk er lokalisert til 2. etasje i same bygg.

Verksemda er kjenneteikna av tett integrering mellom klinikk og laboratorium for diagnostisk utgreiing, rettleiing og oppfølging av pasientar og deira familiar med sikker eller mistenkt genetisk tilstand. Fagområdet medisinsk genetikk er i rask endring, basert på ny teknologi som gjer det mogleg å analysere alle dei genetiske variantane til et menneske i éin prøve. Gjennom utviklinga av persontilpassa medisin forventar vi at raskt aukande kunnskap om variasjon i arvestoffet vil få stor innverknad på medisinsk praksis i framtida. Forsking er ein viktig del av vår verksemd.

Den diagnostiske laboratorieverksemda er akkreditert etter ISO 15189. Rask teknologisk utvikling samt aukande etterspurnad etter våre tenester medfører eit aktivt og travelt arbeidsmiljø i kontinuerleg endring.

Stillinga er knytta til Seksjon for tolkning og teknologi som har ansvar for både tolking av diagnostiske prøvesvar og metodeutvikling ved avdelinga. Dei som vert tilsett vil samarbeide tett med andre molekylærbiologar, samt bioingeniørar, legar og anna personell ved avdelinga 

Arbeidsoppgåver

• Analysere og tolke diagnostiske gentestdata (t.d. variantvurdering)
• Utvikle nye diagnostiske gentestar og metodar
• Bidra i undervisning og opplæring
• Delta i utviklingsarbeid og forsking

Kvalifikasjonar

• PhD-grad i molekylærbiologi eller eit anna relevant fagfelt
• Må ha erfaring med relevante molekylærgenetiske og molekylærbiologiske metoder
• Erfaring med bioinformatiske verktøy for varianttolkning og/eller molekylærgenetisk diagnostikk er ein stor fordel
• Søkar må meistre norsk eller eit anna skandinavisk språk, både skriftleg og munnleg

Personlege eigenskapar

• Sjølvstendig, strukturert og ansvarsbevisst
• Løysings- og serviceorientert
• Kreativ
• Samarbeider godt i team
• Gode kommunikasjonsevner

Vi tilbyr

• Lønn etter avtale
• Høgt fagleg nivå
• Utfordrande arbeidsoppgåver
• Triveleg arbeidsmiljø
• Fleksibel arbeidstid

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Atle Brendehaug, Sjefbioingeniør, +47 55975481, atle.brendehaug@helse-bergen.no
Eirik Bratland, Seksjonsleiar, 45229552, eirik.bratland@helse-bergen.no
Vidar Martin Steen, Avdelingssjef, 95936016

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4985694902
Stillingsprosent: 100%
Fast
Søknadsfrist: 17.08.2025