Kantineassistent

Fusa Vidaregåande skule tilbyr: studiespesialisering og 4 yrkesfaglege utdanningsprogram; helse- og oppvekstfag, teknikk og industriell produksjon, naturbruk og restaurant- og matfag. I tillegg har vi tilbod innan TAF/YSK og HTH/HTA. Skulen har om lag 300 elevar og 50 tilsette som kvar dag arbeider mot visjonen om å vere modige- opne og kompetente. Tett samarbeid med næringslivet er ein sentral del av skulen sitt arbeid for ei relevant opplæring.
Sjå skulen si heimeside https://www.fusa.vgs.no og skulen sin film https://youtu.be/37e8hMyhHnA
Fusa vidaregåande skule legg stor vekt på trivsel og eit godt læringsmiljø. Skulen vil møta eleven med respekt, fleksibilitet og ei positiv innstilling. Ut i frå ulike føresetnader vil vi bidra til at kvar elev vert ein god medborgar, og får tileigna seg relevant fagkunnskap.

Stillinga er i hovudsak knytt til drift av skulen si kantine. Kantina er ein viktig sosial møteplass ved skulen, og du vil vere ein sentral bidragsytar til trivsel og inkludering. Du vil stå i nært samarbeid med kantineansvarleg.

Arbeidsoppgåver

Kantinearbeid:

• Planlegging og tilrettelegging av dagleg mattilbod
• Matlaging (varm- og kaldrettar) og bakst.
• Sal og kundebehandling
• Kassehandtering
• Reinhald og etterleving av rutinar for mattryggleik
  

Kontakt med elevar i kantina:

• Praktisk rettleiing av elevar som deltek i arbeid i kantina
• Bidra til meistring og gode arbeidsrutinar
• Vere ein trygg og tydeleg vaksen i arbeidssituasjonar

 

Kvalifikasjonar

Erfaring frå kantine, kjøkken og/eller matservering er eit føremon. 

Personlege eigenskapar

• Du er strukturert og sjølvstendig
• Du trivst med praktisk arbeid
• Du er ein tydeleg vaksen og er omsorgsfull i møte med ungdom
• Du samarbeider godt med andre
• Du bidreg til eit positivt arbeidsmiljø
• Du har gode kommunikasjonsevner

Vi tilbyr

• Nært samarbeid med kollegaer og eit godt arbeidsmiljø
• Løn og arbeidsvilkår etter gjeldande avtaleverk
• Gode pensjons- og forsikringsordningar
  

Anna
Det er moglegheit med fleksibilitet i arbeidstida, i samarbeid med leiar.
Tilsetjing skjer i tråd med gjeldande regelverk, og det er krav om politiattest. Arbeidstakar har ein arbeidsplan med redusert arbeidstid, og arbeidstida følgjer skuleåret. Dette inneber reduksjon i årsløn i samsvar med særavtale SFS 2201.

Kontaktinformasjon

Mia Nerhovde Håvik, Admin leiar, 56580900, Mia.Nerhovde.Havik@vlfk.no

Arbeidsstad

Leiro 43
5640 Eikelandsosen

Nøkkelinformasjon:

Arbeidsgivar: Vestland fylkeskommune

Referansenr.: 5094709330
Stillingsprosent: 40%
Fast
Startdato: 01.06.2026
Søknadsfrist: 30.03.2026