MTU/IKT-rådgivar

Er du interessert i og har bakgrunn innan medisinsk teknologi og IKT, og ønsker å vere med å bidra til betre pasienttilbod i Helse Møre og Romsdal?

Medisinsk teknologi HMR har ledig stilling som MTU/IKT-rådgivar.
Medisinsk teknologi er organisert i stabsavdeling E-helse og teknologi saman med generell IKT, klinisk IKT og Helseplattformen. MTU/IKT-området har dyktige medarbeidarar som ser fram til å få deg med på laget!

Verdiane våre er "kvalitet, tryggleik og respekt" og slagorda i vår avdeling er "nær, smidig og kompetent".

Medisinsk teknisk utstyr (MTU) blir stadig meir komplekst, med integrasjonar mot eit eller fleire IT-system for klinisk støtte. MTU/IKT-området er i rask utvikling med høge krav til kompetanse for dei som forvaltar medisinsk-teknologiske system. Dette er ein unik sjanse for deg til å jobbe i eit høgteknologisk miljø som understøttar arbeidet med medisinsk-teknisk utstyr og den kliniske pasientbehandlinga i Helse Møre og Romsdal. 

Vi er ute etter ein dedikert IT ressurs i vår stab, som også ønskjer å lære meir om medisinsk teknisk utstyr.

Arbeidsstad vil primært vere Ålesund, men ein må pårekne å reise mellom dei andre sjukehusa i HMR ved behov, og elles samarbeide tett med interne og eksterne samarbeidspartar. 

Arbeidsoppgåver

• Installasjon, integrasjon, dokumentasjon, drift og vedlikehald av MTU-relaterte IKT-system
• Gi IKT-støtte til medisinsk-teknisk personell
• MTU/IKT-støtte til klinisk personell
• Koordinering av IKT-oppgåver ved innføring og vedlikehald av MTU/IKT-system
• Oppfølging av system- og tenesteleverandørar
• Opplæring av teknisk og klinisk personell
• Delta i anskaffingsprosessar, utarbeiding av prosedyrer og ROS-vurderingar
• Vere ressurs i IT-sikkerhetsarbeid og forbetring av rutiner og kultur
• Bidra i regionale fellesoppgåver i Helse Midt-Norge innan MTU/IKT-området

Kvalifikasjonar

• Universitet/høgskule/teknisk fagskule, innan relevante studieretningar som: IT/IKT, elektronikk, automatiseringsteknikk e.l.
• Generelt god kunnskap innan IKT; nettverk, servere ++
• Kjennskap til installasjon, distribusjon og konfigurasjon av applikasjonar
• Erfaring frå drift og support av IKT-system er ønskeleg
  
• God kunnskap om informasjonstryggleik og personvern
• Erfaring frå arbeid innan området medisinsk teknologi vert vektlagt
• Gode munnlege og skriftlege ferdigheiter på norsk og engelsk

Personlege eigenskapar

• Strukturert, sjølvstendig, effektiv og likar å arbeide i team
• Gode kommunikasjons- og samarbeidsevner
• Må kunne takle hektiske, akutte situasjonar og er i stand til å prioritere fortløpande
• Har positiv serviceinnstilling overfor kollegaer og øvrige tilsette på sjukehuset
• Du må ha ei grunnleggande interesse for teknologi i samspel med menneske
• Du må ha gode evner til å kommunisere med brukarar av MTU, leverandørar og andre samarbeidspartar internt og eksternt

Personlege eigenskapar vert vektlagt i tilsettinga

Vi tilbyr

• Spanande og utfordrande oppgåver i eit teknologimiljø der IKT i kombinasjon med moderne avansert medisinsk teknisk utstyr vil gi ein variert og meiningsfylt kvardag.
• Sterkt tverrfagleg samarbeid.
• Ein inkluderande arbeidsplass
  
• Fleksibel arbeidstid
• Løn etter gjeldande overeinskomstar
• Medlemskap i god offentleg pensjonsordning og fordelaktige forsikringsvilkår

Kontaktinformasjon

Arbeidssted

Nøkkelinformasjon: