Vil du bli vår nattevakt-helt? 

Ønskjer du ei variert og spennande stilling på natt? Då kan du vere personen me ser etter!

Teiglandshagen bufellesskap på Moster har ledig 75% fast stilling på natt for sjukepleiar. Me søkjer etter deg som er fagleg engasjert, og som ønskjer å bidra til god sjukepleie og behandling av våre bebuarar. 

Om avdelinga:
Teiglandshagen er for pasientar med demenssjukdom, og har to avdelingar med 8 pasientar på kvar. Me har god fagdekning, eit godt arbeidsmiljø og varierte arbeidsoppgåver. I eit team på to vil de saman på natt yte tenester til bebuarane inne på institusjonen.  

Arbeidsoppgåver

• Utføre heilskapleg pleie og omsorg, inkludert medisinsk lindrande behandling. 
• Gi individuelt tilpassa pleie og behandling med fokus på pasienten sine behov.
• Utføre sjukepleiefaglege prosedyrar i samsvar med gjeldande rutinar og faglege standardar.
• Dokumentere helsehjelp og observasjonar i elektronisk journalsystem.
• Bidra til kontinuitet og kvalitet i tenestetilbodet.
  

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonskrav

• Autorisert sjukepleiar, eventuelt vernepleiar.
• Førarkort klasse B.
• Må beherske norsk både munnleg og skriftleg, og minimum ha bestått norskprøve på B2-nivå.

Personlege eigenskapar

Me ser etter deg som: 

• Bidreg til eit positivt og trygt miljø for både bebuarar og kollegaer.
• Arbeider sjølvstendig, tek ansvar og samarbeider godt i team.
• Er fleksibel, beheld oversikta og finn gode løysingar sjølv når natta ikkje går som planlagt. 
• Kommuniserer tydeleg og viser respekt i møte med ulike menneske.
• Reflekterer over etiske spørsmål knytt til tenesteområdet og eigen praksis.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege utfordringar i eit godt og inspirerande arbeidsmiljø.
• Gode offentlege pensjons- og forsikringsordningar.
• Løn og arbeidsvilkår i samsvar med gjeldande lov og avtaleverk.
• Medlemskap med tilsettegoder i velferdsklubben.
   

Andre opplysingar

• Det vert stilt krav om politiattest ved tilsetjing etter Helse og omsorgstenestelova § 5.4. 
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
• Me gjer merksam på at søkjarar vert ført opp på offentleg søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25. 

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med avdelingsleiar Ann Heidi Mathisen. 

Kontaktinformasjon

Ann Heidi Mathisen, Avdelingsleiar, 457 20 536, ann.heidi.mathisen@bomlo.kommune.no
Monica Smedsrud, Verksemdleiar, 404 85 607, monica.smedsrud@bomlo.kommune.no

Arbeidsstad

Teigland 1
5440 Mosterhamn

Nøkkelinformasjon:

Arbeidsgivar: Bømlo kommune

Referansenr.: 5053360031
Stillingsprosent: 75%
Fast
Startdato: 01.01.2026
Søknadsfrist: 01.01.2026