Psykolog - barn og unge

Er du engasjert i psykisk helse barn og unge og søker spennande utfordringar?

Kinn kommune styrkar satsinga på barn og unge. Vi har etablert eit tverrfagleg team, Familiehjelpa i Kinn, som er eit gratis, lågterskel tilbod. Familiehjelpa skal gje hjelp og støtte til barn, unge og familiar, og har behandlarar med ulik kompetanse. Kinn kommune er ein BTI- kommune.

Vi søker ein fagleg engasjert og samarbeidsorientert psykolog som vil jobbe for å styrke og vidareutvikle det kommunale arbeidet innan psykisk helse og foreldrerettleiing. Stillinga inngår i Familiehjelpa i Kinn. Målgruppa vil vere barn og unge 0 - 18 år, og foreldre.

Kontorstad er Kinn helsestasjon Florø, men stillinga vil dekke heile kommunen.

Arbeidsoppgåver

• Klinisk arbeid som inkluderer kartlegging og korttidsbehandling for målgruppa
• Delta i drift og utvikling av gruppetilbod
• Bidra til helsefremjande og førebyggande arbeid i kommunen
  
• Saman med øvrige samarbeidspartar utvikle tilbod til barn og unge i tråd med Veileder psykisk helsearbeid barn og unge
• Rettleiing og samarbeid med dei kommunale tenestene
• Proaktiv utvikling av psykiske helsetenester for barn og unge

Kvalifikasjonar

• Offentleg godkjend psykolog med norsk autorisasjon
• Relevant jobberfaring frå arbeid med barn, unge og familiar er ønskeleg
• God etisk praksis i arbeidet

Personlege eigenskapar

• Likar å jobbe i relasjon med menneske og er oppteken av barn og unge
• Fungerer godt i team, er lojal og likar utfordringar
• Er positiv og bidreg til eit godt arbeidsmiljø
• Evne til å jobbe sjølvstendig, vere fleksibel og løysingsorientert
• Evne til å jobbe strukturert og målretta
• God formidlingsevne både munnleg og skriftleg
• God samarbeidsevne, interesse for tverrfagleg samarbeid og systemforståing vil bli vektlagt
  

Foruten faglege kvalifikasjonar legg vi stor vekt på personleg egnaheit. 

Vi tilbyr

Ei spennande og utfordrande stilling i ein kystby med tilgang til varierte kultur -og naturopplevingar
Godt arbeidsmiljø med høg kompetanse og engasjerte kolleger
Gode pensjons- og forsikringsordninger
Konkurransedyktig lønn

Arbeidstakar vert  tilsett i Kinn kommune etter gjeldende lover, reglement og tariffavtaler, inkludert pliktig medlemskap i pensjonskasse (KLP).

Prøvetida er 6 månader.

Tilsetting føreset fremlegging av godkjent politiattest som ikkje er eldre enn 3 måneder. Tuberkuloseattest i henhold til forskrift.

Offentleg søkjarliste
Opplysningar om søkjaren kan bli offentliggjort sjølv om søkjaren har bedt om å bli unntatt offentlegheit. Kinn kommune vil varsle søkjarar som har bedt om unntak fra offentlegheit. Dersom dette ikkje kan imøtekomast (offentlighetslovens §25). Det vil gå fram av den offentlege søkjarlista kor mange søkjarar det er til stillinga og kva for kjønn søkjarane har.

Kontaktinformasjon

Kari Liseth, Tenesteleiar Helsestasjon, 97588744

Arbeidsstad

Hans Blomgate 39
6905 Florø

Nøkkelinformasjon:

Arbeidsgivar: Kinn kommune

Referansenr.: 5015048499
Stillingsprosent: 100%
Fast
Søknadsfrist: 16.11.2025