Tannlege

Florø tannklinikk har ei ledig 100% tannlegestilling frå hausten 2025. 

Florø er den vestlegaste byen i Noreg, og er administrasjonssenter i Kinn kommune med ca. 9000 innbyggjarar i byen. Florø kan by på eit rikt og variert kulturliv, og eit næringsliv i utvikling. Kystnaturen gir grobotn for mange aktivitetar og naturopplevingar i eit flott landskap heile året.  

På Florø tannklinikk er det 4 tannlegar, 3 tannpleiarar og 4 tannhelsesekretærar. Det er ein ny og moderne klinikk i flott lokaler. Behandlarar i Florø ambulerer jamleg til Bremanger og Svelgen med ambuleringstillegg og gode vilkår. Det er eit godt arbeidsmiljø på klinikken, og gode mogelegheiter for fagleg utvikling med pasientar i alle aldersgrupper. 

Aktivitetar i Florø
Kinn kommune

Vestland fylkeskommune har ansvar for den offentlege tannhelsetenesta i fylket. Vårt samfunnsoppdrag er å levere tenester av høg kvalitet til våre innbyggarar og dette løyser vi gjennom samarbeid, førebygging og god klinisk praksis. Vi behandler hovudsakleg prioriterte pasientgrupper, men tar også i mot vaksne, betalande pasientar.

Vi har ein unik kompetanse, tilbyr spesialistbehandling og driv fagleg utvikling og forsking. Gjennom vårt førebyggjande arbeid, forsking og behandling legg vi grunnlaget for god folkehelse i Vestland.

Vi er om lag 550 tilsette fordelt på 55 tannklinikkar, ein intern fagstab og vårt kompetansesenter, TkVestland.

Arbeidsoppgåver

• Du utfører klinisk arbeid for alle pasientgrupper, inklusiv vaksne betalande pasientar.
• Du held deg fagleg oppdatert og følger gjeldande lover og retningslinjer for evidensbasert behandling, samt
  jobber for å nå måla til Vestland tannhelseteneste.
• Du deltar i HMS-arbeid og kvalitetsutvikling, samt andre felles oppgåver for drift av klinikken.

Kvalifikasjonar

• Norsk autorisasjon som tannlege
• Behersker norsk som arbeidsspråk, skriftleg og munnleg
• Godkjend politiattest

Personlege eigenskapar

Du likar å arbeide med menneske og har alltid pasienten i fokus.

Du kan samhandle med ulike pasientgrupper. Du kommuniserer godt og har evne til å skapa gode relasjonar til pasientar, pårørande, kollegaer og andre samarbeidspartar. Du trivst med å jobbe i team og er aktivt med på å skape eit godt arbeidsmiljø.

Du arbeider systematisk, strukturert og planmessig for å nå måla våre.

Du er nysgjerrig og interessert i fagleg utvikling, du deler også kompetanse med andre.

Vi tilbyr

• Ein meiningsfull, samfunnsnyttig og variert arbeidskvardag med pasientar i alle aldrar
• Eit arbeidsmiljø med høg fagleg kompetanse
  
• Etterutdanning og kurs for fagleg og personleg utvikling
• Løn etter avtale, for nyutdanna er årsløna for tida kr 640.000,-
• Gode offentlege pensjons - og forsikringsordningar
  
  

Kontaktinformasjon

Siri Espedal Vold, områdeleiar, +47 41224309

Arbeidsstad

Strandavegen 2
6900 Florø

Nøkkelinformasjon:

Arbeidsgivar: Vestland fylkeskommune

Referansenr.: 5027414318
Stillingsprosent: 100%
Fast
Søknadsfrist: 11.11.2025