Vil du jobbe med eigedom i Nav Vestland?

Nav fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionar og ei spesialeining. Fylkeskontoret er lokalisert i Bergen med 45 tilsette fordelt på fire avdelingar; avdeling økonomi og analyse, avdeling HR og organisasjon, avdeling partnarskap og kommunikasjon og avdeling fag og tenester. 

No søker vi etter ein medarbeidar for snarleg tilsetting i fast 100% stilling på eigedomsområdet. Nav Vestland forvaltar kostnader på området eigedom tilsvarande omkring kr 60 millionar årleg, og har ansvar for rundt 40 eigedomskontrakter i fylket. I denne rolla vil du kunne være med å finne gode løysningar framover for å redusere kostnader og omdisponere midlar for å styrke Nav-kontora i fylket. Du vil jobbe med analyse og oppfølging av eksisterande kontraktar, og vil jobbe systematisk for å realisere gevinstar på området.  

Du vil samarbeide tett med einingsleiarar i Vestland for å bidra til gode endringsprosessar, og bli ein viktig del av avdeling økonomi og analyse på fylkeskontoret kor du vil få jobbe tett opp mot andre viktige fagfelt som økonomi og sikkerheit. 

Arbeidsoppgåver

• Analysere kontraktar og finne løysingar på korleis eigedomskostnader kan reduserast 
• Samarbeide tett med kontorleiarar i Vestland og bidra til gode endringsprosessar innafor eigedomsområdet 
• Rettleiing og rådgjeving innan leigeavtalar, oppfølging, drift og avvikling på eigedomsområdet
• Delta i ulike eigedomsprosessar og vere ein aktiv pådrivar både i planlegging, gjennomføring og oppfølging av prosessane
• Vere med å kvalitetssikre konkurransegrunnlag, leigeavtaler og leigeprosessar
• Utarbeide planar for prosessar for å realisere gevinstar på husleige- og felleskostnader  
  
• Skape forståing for risikobildet på området og lage system som sikrar god risikostyring i åra framover
  
• Dagleg drift på området eigedom  

Kvalifikasjonar

• Utdanning på minimum bachelornivå innafor relevant utdanningsretning, til dømes frå juridiske eller økonomiske fag.  Relevant erfaring og/eller utdanning kan kompensere for utdanningskravet.  
• Gode digitale ferdigheiter og interesse for nye dataverktøy
• God økonomiforståing  
• Erfaring med å koordinere mellom ulike arbeidsoppgåver og kontaktpersonar
• Erfaring med arbeidsområda ovanfor

Det er ein fordel om du også har

• Erfaring frå prosjektarbeid, gjerne prosjektleiing 
• Erfaring med å følge opp byggeprosessar 
• Kjennskap til system for eigedomsforvaltning. Nav brukar for tida Main Manager 
• God forståing for Nav si samfunnsrolle 

Kven ser vi etter?

I denne rolla vil du ha mange ulike kontaktpunkt både ut mot dei ulike regionane og kontora i Nav Vestland, og mot eksterne samarbeidspartar. Stillinga vil innebere tett samarbeid med leiarar i endringsprosessar, og som fagperson for eigedomsfeltet har du gode pedagogiske formidlingsevner og kan formidle informasjon på ein lettfatteleg måte. I møte med andre er du tillitvekkande og har gode samarbeidsevner. Vi ser etter deg som tek initiativ og er utviklingsorientert, med høg gjennomføringsevne i prosessane du følger opp. Du er samstundes strukturert, analytisk og kvalitetsbevisst i ditt arbeid. 

Vi tilbyr

• Ei spennande og utfordrande stilling  i eit godt arbeidsmiljø prega av høg kompetanse og engasjerte medarbeidarar 
• Store moglegheiter for fagleg og personleg utvikling 
• Velferdsgode som fleksibel arbeidstid, og moglegheit for trening i arbeidstida
• God pensjonsordning, låneordning og forsikringar gjennom Statens pensjonskasse 
• Tilsetting i stillingskode 1364 seniorrådgivar med lønnsspenn frå kr. 710 000 - 800 000 pr. år. For særleg kvalifiserte søkarar kan noko høgre lønn vurderast. 
  
  Les meir om Nav som arbeidsgivar
  

Kontaktinformasjon

Frode Storvik, Avdelingsdirektør, 917 50 277, Frode.Storvik@nav.no

Arbeidsstad

C. Sundts gate 29
5004 Bergen

Nøkkelinformasjon:

Arbeidsgivar: NAV

Referansenr.: 4972380545
Stillingsprosent: 100%
Fast
Søknadsfrist: 05.06.2025