Avdelingsleiar – helsekompetanse og meistring

Lei utviklinga av helsekompetanse og meistring i Helse Vest

Helse Fonna skal leie den regionale kompetansetenesta for helsekompetanse og meistring. Kompetansetenesta skal støtte helseføretaka i Helse Vest i arbeidet med å styrkje helsekompetanse og pasienttryggleik, innan både somatikk, psykisk helsevern og rusbehandling.

Sentrale oppgåver for kompetansetenesta vil vere å:

• Bidra til utvikling, spreiing og implementering av ny kunnskap og nye verktøy
• Understøtte og vere pådrivar for fagleg utviklingsarbeid på tvers av føretaka.
• Vidareutvikle nettverkssamarbeid.
• Utvikle nye måtar å styrke helsekompetansen for pasientar og pårørande, med særleg merksemd på digitale tilbod.

Tenesta skal etablerast som ei avdeling i eining for Fag og forsking. Avdelinga skal også ha ansvar for det lokale arbeidet med helsekompetanse, læring og meistring i Helse Fonna.

Vi søkjer ein trygg og utviklingsorientert avdelingsleiar til den regionale kompetansetenesta og det overordna tilbodet i Helse Fonna. Stillinga passar for deg som vil ha ei leiarrolle der du får byggje kompetanse, samle fagmiljø, utvikle tenester og bidra til at pasientar og pårørande får betre støtte til å meistre helseutfordringar.

Du vil ha ei sentral rolle i etablering og utvikling av tenesta, og du vil samarbeide tett med fagpersonar, brukarrepresentantar, kommunar, helseføretak, utdanningsmiljø og andre samarbeidspartar.

Har du spørsmål om stillinga eller oppdraget? Ta gjerne kontakt for ein uforpliktande samtale.

Kva går jobben ut på?

Som avdelingsleiar får du ansvar for personal, budsjett, fag, drift, regional koordinering og prosjekt- og utviklingsarbeid.

Dei viktigaste arbeidsoppgåvene vil vere å:

• Leie og utvikle den regionale kompetansetenesta.
• Leie det overordna tilbodet for helsekompetanse, læring og meistring i Helse Fonna.
• Bidra til kunnskapsbasert utvikling innan helsekompetanse, læring og meistring.
• Styrkje samarbeid mellom helseføretak, kommunar, brukarrepresentantar og fagmiljø.
• Leggje til rette for kompetanseheving, nettverk, fagutvikling og kunnskapsdeling.
• Bidra til at pasient- og pårørandeopplæring blir ein tydeleg del av pasientforløpa.
• Sikre god drift, prioritering og utvikling i tråd med regionale og nasjonale føringar.
• Vere ein synleg og samlande leiar for medarbeidarar og samarbeidspartar.

Kva kompetanse er viktig i denne rolla?

Du må ha:

• Relevant høgare utdanning innan helse-, sosial-, pedagogisk eller samfunnsvitskapleg fagområde.
• Leiarerfaring eller erfaring med fag- og utviklingsleiing.
• God forståing for spesialisthelsetenesta og samhandling med kommunale tenester.
• Gode norskkunnskapar, både munnleg og skriftleg.

Det er ein fordel om du har:

• Erfaring med læring og meistring, helsepedagogikk, helsekompetanse eller pasient- og pårørandeopplæring.
• Erfaring frå fagutvikling, kompetansearbeid, prosjektarbeid eller tenesteutvikling.
• Erfaring frå regionalt arbeid, nettverksleiing eller tverrfagleg samarbeid.
• Erfaring med kvalitetsforbetring eller forsking.
• Kjennskap til brukarmedverknad og samskaping med pasientar og pårørande.

Kva eigenskapar er viktigst i rolla?

Vi ser etter ein leiar som klarer å skape retning innan eit fagfelt i utvikling. Du er tydeleg, lyttande og god til å få folk med deg.
Du forstår verdien av både fagkunnskap, brukarkunnskap og praktisk erfaring, og du trivst med å samarbeide på tvers av fag, nivå og organisasjonar.

Du må kunne arbeide strategisk, men også vere tett nok på fagmiljøa til å forstå kva som skal til for å skape gode og nyttige tenester.

Vi vil leggje vekt på korleis kompetansen og eigenskapane dine passar til oppdraget og leiarrolla.

Kvifor skal du velje oss?

Etableringa av den regionale kompetansetenesta er ei viktig satsing i regionen. Du som avdelingsleiar vil ha ei heilt sentral rolle i oppbygginga av denne tenesta og vere med og leggje premissane for korleis tenesta skal sikre eit godt tilbod til pasientar og pårørande. 

Vi oppmodar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Andreas Andreassen, Fagdirektør, +47 46933044, andreas.andreassen@helse-fonna.no

Arbeidsstad

Karmsundgata 120
5528 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 5140496978
Stillingsprosent: 100%
Fast
Søknadsfrist: 12.07.2026