Rådgjevar for utvikling og gjennomføring av kriminalomsorga si verksbetjentutdanning

Om stillinga

Vi har ei mellombels stilling som rådgjevar i 50 % stilling ledig ved kompetansesenteret vårt, med varigheit ut 2025 og moglegheit for forlenging. Vi ser etter deg som saman med engasjerte kollegaer vil gjennomføre og vidareutvikle kriminalomsorga si verksbetjentutdanning.

Hos oss vil du få jobbe med kompetanseutvikling tett på praksisfeltet generelt, og verksdrifta i kriminalomsorga spesielt. Du får moglegheit til å påverke innhaldet i den obligatoriske utdanninga for verksbetjentar.

Kompetansesenteret tilbyr etterutdanning, fag- og erfaringssamlingar og nasjonale konferansar for alle stillingsgrupper i kriminalomsorga og våre samarbeidspartnarar. Avdelinga har også ansvar for utviklingsarbeid, utgreiingar og evalueringar innanfor område som speglar etatens utfordringar.

Arbeidsoppgåver

• Utvikle og gjennomføre praksisnært undervisningstilbod 
• Utvikle nye digitale undervisningsløysingar 
• Planleggje, gjennomføre og evaluere fysisk og digital undervisning 
• Rettleie deltakarar og vurdere læringsaktivitetar 
• Bidra til fagutvikling og kvalitetssikring av utdanninga sitt innhald og kompetansetiltak relatert til arbeidsdrifta

Den som blir tilsett, må rekne med endringar i ansvars- og arbeidsområde.

Utdanning og erfaring

Du må ha:

• relevant høgskule- eller universitetsutdanning på bachelornivå
• erfaring med straffegjennomføring 
• erfaring med undervisning av vaksne 
• gode skriftlege og munnlege kommunikasjonsevner 
• evne til innovasjon og bruk av digitaliserte løysingar, undervisnings-/formidlingsplattformer

Særleg relevant og spesifikk erfaring/spisskompetanse innan eit fagområde kan unntaksvis vege opp for kravet til utdanning.

Det er i tillegg ein fordel om du har:

• innsikt i kriminalomsorga si arbeidsdrift og verksbetjentutdanninga 
• gjennomført verksbetjentutdanning
• pedagogisk utdanning

Personlege eigenskapar

Vi søker deg som er engasjert og løysingsorientert. Du vil få ansvar for gjennomføring av verksbetjentutdanninga, derfor må du kunne ta initiativ, arbeide sjølvstendig og strukturert og ha god gjennomføringsevne. Du må også ha gode samarbeidsevner og ta ansvar for å halde deg fagleg oppdatert.

Vi tilbyr

• eit utviklande og hyggeleg arbeidsmiljø og kollegaer med høg fagleg kompetanse 
• meiningsfulle oppgåver i ein etat med eit viktig samfunnsoppdrag 
• eit spennande fagfelt med tverrfagleg nettverk 
• mellombels 50 % stilling til og med 31.12.25, med moglegheit for forlenging. Stilling som rådgjevar kode 1434 med lønn frå kr 600 000-760 000. Lønn er avhengig av kvalifikasjonar og ansiennitet. Det blir trekt 2 % innskot til Statens Pensjonskasse. For spesielt godt kvalifiserte kan høgare lønn vurderast. 
• gode pensjons- og forsikringsordningar og moglegheit for bustadlån i Statens pensjonskasse 
• kantine og moglegheit for parkering i garasje 
• sentral plassering, med fem minuttar gange frå Lillestrøm stasjon 
• godt utstyrt treningsrom og moglegheit for trening i arbeidstida

Generell informasjon

Kriminalomsorga meiner at inkludering og mangfald er ein styrke. Vi ønskjer oss medarbeidarar med ulik kompetanse, livserfaring og perspektiv for å kunne bidra til ei enda betre oppgåveløysing.  

Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kjenner du deg igjen i ein av desse kategoriane, kan du krysse av i jobbsøkjarportalen vår. Du kan lese meir om krava for å bli vurdert som søkjar i desse gruppene her. 

Det må ikkje vere noko å utsetje på vandelen til den som blir tilsett. Dette må dokumenterast med ein uttømmande politiattest før tilsetjing.

Vi gjer merksam på at opplysningar om søkjarar kan bli offentleggjorde sjølv om søkjar har bede om å vere unnateke søkjarlista. Søkjar vil i så fall bli varsla om dette og gjeve høve til å trekkje søknaden.

Den som blir tilsett, må rette seg etter organisasjonsmessige eller andre endringar som blir bestemte om arbeidsområdet.

Søknad og CV sendast elektronisk via lenkja 'Søk stillinga' på denne sida. Vitnemål og attestar må følgje søknaden. Vi ber om at du hentar vitnemål frå Vitnemålsportalen direkte i Jobbnorge når du søker stillinga.

For spørsmål om elektronisk utfylling av CV kan Jobbnorge kontaktast på 75 54 22 20.