Sokneprest i Sunnhordland prosti med Sveio sokn og Valestrand og Førde sokn som tenestestad

Vi har ledig stilling som sokneprest i Sveio.

Sveio kommune ligg sør i Sunnhordland mellom Bergen og Stavanger. Kommunen har vakker og variert natur med gode høve til friluftsliv. Kommunen har vel  5 800 innbyggjarar. Sveio sokn har ca. 3000 medlemmer. Sveio sokn har ei ung befolkning etter sterk auke i folketalet på 2000-talet.
Kommunesenteret er i Sveio. E39 går gjennom kommunen. Frå kommunesenteret er det 17 km til Haugesund og 38 km til Stord. Det er fem barneskular og ein ungdomsskule i kommunen og god barnehagedekning.For meir informasjon sjå www.sveio.kommune.no.

På tenestestaden er der tre kyrkjer og eitt kapell med regelmessige gudstenester. Sveio kyrkje (1856) med flest gudstenester, Eikeland kapell (1960), Førde kyrkje (1937) og Valestrand kyrkje (1873). I tillegg til å romma gudstenester og kyrkjelege handlingar, fungerer Valestrand kyrkje som kulturkyrkje med eige styre for verksemda. Ved Sveio kyrkje ligg Sveio soknehus frå 2016. Dette er ein god arena for kyrkjelyden si trusopplæring- og kyrkjelydsarbeid. Gjenbruksløa er kyrkjelyden sin eigen gjenbruksbutikk, lokalisert i Førde. Butikken har eit årleg sal på ca. 950.000 kr, som mellom anna går til eit menneskerettsprosjekt i Pakistan gjennom NMS, og til delfinansiering av diakonimedarbeidarstillinga i kyrkjelyden. Nokre av midlane går til kyrkjene, bedehusa og Sveio soknehus.

Tala frå statistikken i 2025 for begge sokna samla er: 32 døypte, 65 konfirmerte, 7 vigslar og om lag 40 gravferder. Snittdeltaking ved gudstenestene var 98.
Det er regelmessige andaktar ved Sveio Omsorgssenter. Det er seks bedehus i sokna. Det er godt samarbeid mellom kyrkje og bedehus. Tre av bedehusa er lagt ned og gått inn som ein del av Sveio soknehus og har møta sine der.

Det er felles kyrkjekontor for dei tilsette på soknehuset i Sveio. På tenestestaden er det to prestar, kyrkjeverje, to kantorar, kyrkjelydspedagog, diakonimedarbeidar, kontorfullmektig, arbeidsleiar og kyrkjegardsarbeidar.

Trusopplæringsutval for begge sokna er etablert og arbeidar med plan for trusopplæring. Det kyrkjemusikalske arbeidet er godt utbygd. Barnekorveksemda har god oppslutnad.

Sokna ligg i Sunnhordland prosti, som femner om sju kommunar. I prostiet er det 23 sokn og 16 prestestillingar. Prosten leiar prestetenesta og samlar jamleg prestane i prostiet til fagleg utvikling, åndeleg fellesskap og teambygging. Alle prestane har prostiet som tenestedistrikt. Sunnhordland prosti er eit beredskapsområde.

Skriftspråket er nynorsk. 

Vi ber om at søknad med CV, vitnemål og referansar sendast elektronisk via Webcruiter. 

Arbeidsoppgåver

• Sokneprestane i Sveio samarbeider om planlegging og gjennomføring av konfirmantarbeidet i sokna. Undervisninga vert delt mellom dei to prestane på tenestestaden.
• har ei sentral rolle i utviklinga av gudstenestelivet
• sete i Sveio sokneråd og andre utval /ha fast sete i Sveio sokneråd og andre utval 
  
• deltaking i rekruttering, oppfølging og opplæring av frivillige, primært knytt til arbeid med gudstenestene
• stillinga inngår i Den norske kyrkja si beredskapsordning 

Kvalifikasjonar

• Cand.theol. med praktikum eller tilsvarande/master i teologi og praktikum
• medlemskap i Den norske kyrkja

Personlege eigenskapar

• evne og vilje til samarbeid
• evne og vilje til rekruttering og oppfølging av frivillige medarbeidarar
• søkar må kunne samarbeide liturgisk med kollegaer uavhengig av kjønn eller teologisk usemje
• personlege eigenskapar, erfaring og motivasjon knytt til arbeid  med gudstenester og ungdom, blir vektlagt

Vi tilbyr

• stillingskode 1555 sokneprest etter KA sitt tariffområde
• medlemskap i kollektiv pensjonsordning KLP. Les meir om offentleg tjenestepensjon på www.klp.no
  
• reiseutgifter godtgjort etter gjeldande regulativ
• til løna kjem særskilde regulativmessige godtgjerdsler
• arbeidsvegleiing (ABV) og gode mogelegheiter for kompetanseutvikling 
  

 

Andre opplysningar

Til stillinga må ein ha førarkort og disponere bil. 

Bjørgvin bispedøme skal vere ein arbeidsplass med rom og respekt for mangfald, uavhengig av kjønn, alder, etnisk bakgrunn, seksuell orientering og funksjonsevne. Vi oppfordrar alle kvalifiserte kandidatar å søke. 

Det vil bli utarbeida ei offentleg søkjarliste etter offentleglova § 25, jf. kyrkjeordning for Den norske kyrkja § 42. Dersom du ønskjer unntak for denne, må du grunngje det i søknaden. Søkjarlista kan bli offentleg sjølv om du ber om unnatak. Grunnlag for handsaming etter personvernforordninga er artikkel 6 nr. 1 bokstav b og artikkel 9 nr. 2 bokstav b og g.

Den som blir tilsett må vise tilfredsstillande politiattest (barneomsorgsattest) jf. politiregisterloven § 39 jf. trossamfunnsloven § 20. 

Kontaktinformasjon

Arild Steinsland, Prost i Sunnhordland, 91555580, AS795@kyrkja.no
Therese Nesse Mokkelbost, HR-sjef i Bjørgvin bispedøme, 93612276, tm988@kyrkja.no

Arbeidsstad

Steinhaugvegen 10
5550 Sveio

Nøkkelinformasjon:

Arbeidsgivar: Den norske kirke

Referansenr.: 5193984351
Stillingsprosent: 100%
Fast
Søknadsfrist: 08.11.2026