Er du ein entusiastisk lege som ønskjer å spesialisere deg innan barne- og ungdomspsykiatri? Bli ein del av vårt team og bli med å forme framtida for psykiatriske tenester til barn og ungdom i Helse Fonna.

Vi har ledig to faste LIS3-stillingar med ønskje om snarleg tiltreding. Er du LIS1 og ventar på plass, oppfordrar vi også deg til å søkje. Søkjaren til LIS3 stillinga må ha gjennomført LIS1.

I vårt legemiljø på BUP vil du finne eit trygt og støttande arbeidsmiljø. Vi er for tida åtte overlegar, fem LIS3 og ein som ventar på LIS1. I tillegg bidreg ein overlege på pensjonistavtale med sin kompetanse.

BUP Haugesund tilbyr tenester på spesialistnivå til barn og unge frå 0-18 år. Opptaksområdet for poliklinikken dekkjer ti kommunar: Karmøy, Haugesund, Utsira, Sveio, Tysvær, Bokn, Vindafjord, Etne, Sauda og Suldal. Vi har to poliklinikkar og ein sengepost. BUP Haugesund har akuttfunksjon og vaktteneste døgnet rundt med for- og bakvaktslegar.

BUP Haugesund er godkjent som utdanningsinstitusjon innan barne- og ungdomspsykiatri. Vi har samarbeidsavtale med både vaksenpsykiatri og pediatri, noko som gjer det mogleg å gjennomføre heile utdanningsløpet i Haugesund.

Vi ser fram til å motta søknaden din og ønskjer deg velkommen til eit engasjerande og givande arbeidsmiljø!

Hos oss legg vi stor vekt på å tilby gode helsetenester for barn og unge. Sjå filmen om prosjektet vårt og bli litt betre kjent med oss: https://youtu.be/FKTrqoZHBxM

Arbeidsoppgåver

• Utgreiing, diagnostisering og behandling av barn og ungdom
• Delta i vaktordning for legar
• Bidra fagleg gjennom rettleiing, undervisning og teamarbeid
• Kontakt med føresette og andre aktuelle instansar rundt barn/ungdom

Kvalifikasjonar

• Søkjaren til LIS 3 stillinga skal ha gjennomført LIS1
• Må ha dokumentert norsk autorisasjon
• Erfaring frå BUP er ønskjeleg.
• Gode norskkunnskapar er heilt avgjerande for forsvarleg pasientbehandling. Søkarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden. Ved tilsetjing av allereie fast tilsett i føretaket kan ein unntaksvis, i særlege tilfelle, fråvika kravet om bestått norsktest på B2-nivå
  

Personlege eigenskapar

Hos oss er det viktig at du:

• likar å jobbe med barn, ungdom og føresette
• har pågangsmot, evne til samarbeid og formidling av kunnskap
• arbeider strukturert og sjølvstendig
• er kreativ, nytenkjande og fleksibel

Personlege eigenskapar blir vektlagde

Vi tilbyr

• Eit utfordrande og spennande arbeidsfelt i utvikling
• Arbeid i tverrfaglege team
• Regelmessig internundervisning og rettleiing ved barne- og ungdomspsykiater
• Heile spesialiteten kan tas ved Haugesund sjukehus
• Kompetanseheving og spesialiseringsløp
• Eit godt fagmiljø og kjekke kollegaer
• Sosiale aktivitetar som felleslunsj og trim på huset

For å kunne vurdere fortrinnsrett til stilling, må søkjar gi til kjenne dette i søknaden

Kontaktinformasjon

Georg Walter Reinhardt, Avdelingsleiar, +47 52732850
Marit Elisabeth Ness, Psykologspesialist, 52732850
Margrethe Reigstad Aase, Psykologspesialist, 52732850
Lene Elisabeth Nordtveit, Sekretær, 52732850

Arbeidsstad

Vinjes gate 10
5522 HAUGESUND

Nøkkelinformasjon:

Arbeidsgivar: Helse Fonna HF

Referansenr.: 4911687941
Stillingsprosent: 100%
Fast
Søknadsfrist: 02.03.2025