Brenn du for miljøterapi og rusbehandling?

På TSB-posten ved Haugaland DPS møter du ei pasientgruppe med stort behov for tryggleik, relasjonar og struktur. Vi har sju behandlingsplassar og tilbyr både døgnbehandling og ettervern – og no ser vi etter deg som vil bli med oss i arbeidet.

Vi ser etter ein sjukepleiar som:

• brenn for relasjonsarbeid og miljøterapi
• motiverer, støtter og heier fram mål og meistring
• vil vera med å gjera ein forskjell

Hos oss får du ein meiningsfull kvardag med målretta miljøterapi, fysisk aktivitet og tett samarbeid i eit tverrfagleg team med sjukepleiarar, vernepleiarar, sosionomar, lege og psykologspesialist.

Turnusen inneber dag- og kveldsvakter, samt arbeid kvar fjerde helg med 12-timars vakter i helger, påske og sommar.

👉Lokkar dette? Søk no! Me garanterer ein variert og meiningsfull arbeidskvardag!

Kva går jobben ut på?

• Målretta miljøterapi
  
• Vera ein tydeleg, trygg og engasjert lagspelar i arbeid med pasientgruppa
  
• Fysisk aktivitet som del av behandlingstilbodet
• Tilrettelegge og delta i samtalar
• Pasientbehandling i tverrfaglege team
  
• Legemiddelhandtering og ansvarsvakt
• Samarbeid med både interne og eksterne aktørar

Kva kompetanse er viktig i denne rolla?

• Du må vera sjukepleiar med norsk autorisasjon
• Erfaring frå miljøterapeutisk arbeid og tverrfagleg samarbeid
• Du må ha førarkort
• Gode norskkunnskapar.

Dersom du har eit anna morsmål enn norsk, svensk eller dansk, må du dokumentere norskkunnskapar på minimum B2-nivå (t.d. Bergenstesten).

Kva ser vi etter hos deg?

Vi ser etter deg som:

• er trygg, tydeleg og engasjert i møte med pasientgruppa
• har gode relasjonelle evner og trivst i team
• er sjølvstendig, raus og møter dagen med eit smil
• har gode samarbeids- og kommunikasjonseigenskapar

Kvifor skal du velje oss?

Jo, for di hos oss får du;

• Eit inkluderande og triveleg arbeidsmiljø
• Eit sterkt fagmiljø med høg kompetanse
• Gode moglegheiter for både fagleg og personleg utvikling
• Ein arbeidsplass som legg til rette for mangfald og inkludering.
  

Kontaktinformasjon

Eva Utseth Gangstø, Konst. funksjonsleiar, eva.utseth.gangsto@helse-fonna.no

Arbeidsstad

Asaldalvegen 1
4250 KOPERVIK

Nøkkelinformasjon:

Arbeidsgivar: Helse Fonna HF

Referansenr.: 4970082300
Stillingsprosent: 100%
Fast
Søknadsfrist: 01.06.2025