Bømlo kommune har ledig eit års vikariat i 100% stilling som saksbehandlar innan byggjesak og deling, ved avdelinga Arealbruk. Me utfører mange varierte og spanande arbeidsoppgåver, i hovudsak innan plan- og bygningslova, matrikkellova og forureiningslova.

Me ynskjer at publikum skal oppleva oss som kunnskapsrike, rettferdige, serviceinnstilte og imøtekomande. Det er stor spennvidde i type saker, blant anna har me ein god del saker som gjeld strandsona og større næringsområde under utvikling. Dette gjev gode moglegheiter for å utvida fagkompetansen.

Me held til i rådhuset sentralt på Bømlo. Det er mogleg å starte i vikariatet så snart som råd. 

Arbeidsoppgåver og litt meir om oss

Byggjesak og deling består av 4 saksbehandlarar kor avdelingsleiar har fagansvaret. Me har innført saksbehandlingssystemet eByggesak og digitalisert arkivet vårt. Faggruppa har ei brei fagleg samansetting. Avdelinga rapporterer til avdelingsleiar for arealbruk og er inndelt i fagområda plan/byggjesak og deling/oppmåling der me i dag er 10 tilsette.

• Saksbehandling av byggje-/delesaker etter plan- og bygningslova.
• Matrikkelføring og adressetildeling.
• Saksbehandling av utsleppssaker etter forureiningalova.
• Saksførebuing til folkevalt organ.
• Tilsyn og klagebehandling.
• Rettleiing til kommunen sine innbyggjarar og til profesjonelle aktørar, både munnleg og skriftleg, i dette deltaking i telefon torg.
• Kompetanseutveksling med andre fagavdelingar i kommunen.

Andre oppgåver kan bli tillagt stillinga avhengig av den tilsette sin kompetanse og interesser. Endringar i arbeidsområdet må kunne påreknast. 

Kvalifikasjonar

• Relevant utdanning frå teknisk fagskule, høgskule eller universitet, gjerne arealplanleggjar, bygningsingeniør, arkitekt eller jurist på bachelornivå. Lang erfaring frå saksområdet kan kompensera for manglande utdanning og der personlege eigenskapar vert vektlagt.
• God skriftleg og munnleg framstillingsevne på norsk.
• Erfaring frå offentleg forvaltning er ein fordel, men nyutdanna kan også søkja.
• Erfaring med bruk av GIS-verktøy, kjennskap til bruk av elektronisk saksbehandlingssystem og andre IT-verktøy er ønskjeleg.
• Må disponera eigen bil, førarkort klasse B.

Personlege eigenskapar

• Motivert til å jobbe i eit tverrfagleg arbeidsmiljø.
• God evne til formidling og samarbeid i møte med kundar, kollegaer og samarbeidspartnarar.
• Sjølvstendig, serviceinnstilt og løysingsorientert.
• Strukturert og god til rett prioritering av arbeidsoppgåver.
• Positiv, fleksibel og villig til å ta i eit tak ved behov. 
• Set deg raskt inn i nye problemstillingar og kan handtere tidspress.

Ved vurdering av den best kvalifiserte, legg me vekt på utdanning, erfaring og personlege eigenskapar, samt din motivasjon for stillinga. 

Me tilbyr

• Varierte og spennande arbeidsoppgåver i ein flott kommune.
• Faglege og personlege oppgåver i eit inspirerande arbeidsmiljø.
• Gode offentlege pensjons- og forsikringsordningar.
• Fleksibel arbeidstid.
• Konkurransedyktige løns- og avtalevilkår.
• Stilling i ei inkluderande arbeidslivsverksemd (IA-verksemd).
• Mogleg medlemskap med tilsettegoder i velferdsklubben.
  

Annan informasjon

• Administrasjonsmålet i kommunen er nynorsk.
• Bømlo kommune ser på inkludering og mangfald som ein styrke, og vil oppmode alle kvaliserte søkjarar om å søke stilling uavhengig av bakgrunn.
  
• Me gjer merksam på at søkjarar vert ført opp på offentlig søkerliste. Det er mogleg å søkje om anonymitet, men det må vere særskilte omstende for å få innvilga unntak, jf. Offentleglova § 25.

Synes du stillinga ser interessant ut, og samsvarar med kvalifikasjonane dine, sender du oss søknaden din elektronisk via Webcruiter.no med CV, vitnemål og attestar vedlagt. Ved førespurnad må du kunna skaffa bekrefta kopiar av dokumentasjonen din. Dersom du har spørsmål om stillinga og rekrutteringsprosessen, ta kontakt med Lise Notland.

Kontaktinformasjon

Lise Notland, Avdelingsleiar Arealbruk, 904 01 859

Nøkkelinformasjon:

Arbeidsgivar: Bømlo kommune

Referansenr.: 4928621580
Stillingsprosent: 100%
Vikar
Søknadsfrist: 07.04.2025