Professor i klinisk psykologi

Ved Høgskulen på Vestlandet (HVL) er det ledig fast stilling i 40 % som professor ved Fakultet for helse- og sosialvitskap

Stillinga er knytt til Institutt for helse- og omsorgsvitskap, campus Førde, og skal styrke pasient- og helsetenestenær forsking i tråd med HVL sine strategiske ambisjonar. 

Vi søkjer etter ein medarbeidar med omfattande forskingserfaring frå spesialisthelsetenesta, som skal bidra til framtidsretta og innovative utdanningar og berekraftige helsetenester. Søkjaren bør ha brei erfaring med brukarmedverknad og brukarinvolvering i helseforsking og metodekompetanse innan området. 

Stillinga er ei 40 % fast stilling med arbeidstad campus Førde.

Ansvars- og arbeidsområde:

• Forskings- og utviklingsarbeid innan klinisk psykologi med relevans for helsetenesteinnovasjon og digitalt støtta helsetenester 
• Styrke tverrfagleg forsking, innovasjon og utdanning innan digital helse ved campus Førde 
• Styrke og vidareutvikle fou-samarbeidet mellom HVL og helsetenestene
• Vere pådrivar for samarbeid om forskingsprosjekt ved fakultetet, ved HVL og med regionale, nasjonale og internasjonale samarbeidspartnarar
• Initiere, leie og bidra til søknadar om forskingsmidlar i nasjonal og internasjonal konkurranse
• Undervise og rettleie på phd- og masternivå 
• Samarbeide med ulike sektorar om forsking og utvikling for å fremme ei berekraftig helseteneste

Kvalifikasjonar:

Kriteria for tilsetting i undervisnings- og forskarstilling går fram av Forskrift til universitets- og høyskoleloven fastsett av Kunnskapsdepartementet. 

• For å innfri kvalifikasjonskrava til professor krevst minst:
  • a. doktorgrad innan relevant fagområde, eller kompetanse på tilsvarande nivå dokumentert enten ved vitskapleg arbeid eller kunstnerisk arbeid av same omfang og kvalitet
  • b. utdanningsfagleg kompetanse*
  • c. norskferdigheiter på nivå B2
  • d. vesentlege bidrag til forsking eller kunstnerisk utviklingsarbeid på høgaste nivå, i samsvar med internasjonale eller nasjonale standardar innan fagområdet
     
• Norsk autorisasjon som psykolog og godkjent spesialitet (NPF) i klinisk psykologi. HPR-nummer må oppgjevast i søknaden. 
• Undervisningsspråket er norsk og søkjarar må beherske norsk (minimum nivå B2) eller svensk eller dansk.
• God munnleg og skriftleg fremstillingsevne på engelsk
• Undervisnings- og rettleiingserfaring på master- og phd-nivå
• Aktiv og pågåande forsking av høg kvalitet og relevans innan stillinga sin profil
• Evne til å utvikle og oppnå ekstern finansiering av større forskings- og innovasjonsprosjekt innan digital helse
• Omfattande erfaring med forskingsleiing og forskingsstrategisk arbeid
• Brei erfaring frå forskings- og innovasjonssamarbeid med helsetenestene og brukarar av tenestene 
• Dokumentert forskarsamarbeid med helse- og sosialprofesjonar HVL utdannar til og med næringslivet

Den som vert tilsett må vere personleg eigna for stillinga. Dette inneber:

• Å vere nytenkande og ambisiøs
• Gode samarbeids-, kommunikasjons- og formidlingsevner
• Evne til å arbeide sjølvstendig, ta initiativ og vere pådrivar, og samtidig vere fleksibel 
• Evne og motivasjon til å samarbeide i tverrfaglege grupper, på tvers av vitskaplege miljø  og på tvers av sektorar
• Å ha motiverande leiar- og rettleiareigenskapar

For stilling som professor  skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling ved HVL.

Søkjarar som ved tilsetting ikkje oppfyller krava i etter Forskrift til universitets- og høyskoleloven må oppfylle desse innan to år. HVL tilbyr kurs i utdanningsfagleg kompetanse.

Korleis søkje stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:

• vitskapleg arbeid (inntil 15 stk)
• fullstendig publikasjonsliste
• attestar og vitnemål
• dokumentasjon på utdanningsfagleg kompetanse. For professor skal utdanningsfagleg kompetanse dokumenterast med ei pedagogisk mappe og ein pedagogisk CV i tråd med Kriterier for utdanningsfaglig basiskompetanse ved ansettelse og opprykk i førsteamanuensis- og professorstilling 

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsetjingar. Om vedlegga er større enn 50 MB må dei komprimerast før opplasting, eller leggjast ved som lenkje. 

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad.  Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga.  Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søknadane blir sendt elektronisk til eit sakkunnig utval. På bakgrunn av utvalet si vurdering vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen. 

Vi tilbyr:

Gode pensjons-, forsikrings-, og låneordningar i Statens pensjonskasse

Spanande fagmiljø med moglegheiter for kompetanseheving- og utvikling

Moglegheit for trening i arbeidstida

Stillinga er løna etter Statens lønsregulativ, i stillingskode 1013 - Professor.

Frå løna blir det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetjing, og å rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskrifta kan komme til bruk i handsaming av søknadane.

Kontaktpersonar ved Høgskulen på Vestlandet:

1) Instituttleiar Georg Førland
     tlf: +47 52 70 26 36
     e-post: georg.forland@hvl.no

2) Fagseksjonsleiar Siri Ytrehus
     tlf: +47 57 67 61 61
     e-post: siri.ytrehus@hvl.no

Inkludere, utfordre og samhandle