Helsefagarbeidar

Vil du bli vår nye kollega? Vi har ledig: Fast - 60 % nattstilling frå 16.06.2025.

Vi søkjer deg som vil ha faglege utfordringar. Du må kunne jobbe sjølvstendig i ein hektisk kvardag. Teneste for psykisk helse skal ha fokus på at mennesket i størst mogleg grad skal kunne meistre sitt eige liv og oppleve verdigheit. Tenesta skal bidra til å skape gode livsvilkår for menneske som har behov for psykisk helsehjelp ved å formidle tru på betring, moglegheit til å ta eigne val og påverke eige liv. Stillinga er ein del av nattevaktsteamet i sentrum.

Vi jobbar med årsplanlegging og oppgåvedeling for å sikre fagkompetanse gjennom heile døgnet og året.

Vi søkjer etter ein medarbeidar som har engasjement, godt humør og vil bidra til vårt fellesskap. Du vil få dyktige kollegaer på laget som jobbar saman i team. 

Arbeidsoppgåver

• Fokus på førebygging og støtte opp under brukar sine eigne ressursar
• Utføre oppgåver i tråd med vedtak og gjeldande prosedyre
  
• Rettleiing og opplæring av medarbeidarar
  
• Oppfølging og implementering av interne rutinar og retningsliner
• Oppfølging i form av støttesamtaler
• Legemiddelhandtering

Kvalifikasjonar

• Off. godkjent helsefagarbeidar
• Det vil vere ein fordel med vidareutdanning innan psykisk helse og rus.
• Du må ha førarkort klasse B
• Du må kunne nytte digitale fagsystem og velferdsteknologiske løysingar. 
• God norsk muntleg og skriftleg framstillingsevne. Kommunen nyttar nynorsk i all skriftleg kommunikasjon
• Det vert stilt krav om politiattest ved tilsetjing 

Personlege eigenskapar

• Du er engasjert, løysingsorientert og har godt humør
  
• Du er utviklingsorientert og motivert for omstilling
• Du har gode kommunikasjons- og samarbeidsevner
• Du arbeider målretta, strukturert og sjølvstendig 
• Du trivast i eit aktivt og til tider travelt miljø der du må kunne omstille deg raskt
• Du bidrege aktivt til eit godt arbeidsmiljø

Vi gjer ei heilskapleg vurdering av søkjarane og personlege eigenskapar vert vektlagde.  Referansar vert nytta og aktuelle søkjarar kan verte kalla inn til intervju.

Vi tilbyr

• Eit godt arbeidsmiljø
• Kompetanseutvikling gjennom e-læringskurs og internundervising
• Gode pensjons- og forsikringsordningar i KLP
• Utfordrande og varierte arbeidsoppgåver 

Arbeidsvilkår: natt inkl. helg 

Stillinga er plassert i HTA kap. 4 gr1.2. Fagarbeidarstilling
Stillingskode: 7076 Helsefagarbeidar
Tilsetjing i samsvar med gjeldande lov, forskrift og avtaleverk 

Dokumentasjon
Framlegging av vitnemål og attestar saman med søknaden er ein føresetnad for best mogleg sakshandsaming. Vitnemål og attestar dannar grunnlag for fastsetjing av ansiennitet og rett løn. Vi ber om at attestar og vitnemål vert lasta opp som vedlegg til søknaden din. 

Intern søkjar
Dersom du ynskjer å bli vurdert ut frå kriterium for intern fortrinnsrett til stillinga, hakar du av på omsyn – intern søkjar. Dette gjeld berre for tilsette i Ørsta kommune som er ufrivillig deltids tilsett, har jobba i kommunen i til saman 12 månadar dei siste 2 åra, eller andre faktorar knytt til lover og avtaleverk som kan gi grunnlag for fortrinnsrett. Jf. AML §14.2

Om offentleglova 
I samsvar med offentleglova § 25, kan opplysningar om søkjaren unnatakast offentleg søkjarliste, dersom søkjaren sjølv oppmodar om dette. Den som ønskjer at namnet skal vere unnateke offentleg søkjarliste må grunngje dette. Søkjaren sine behov vil verte vurdert konkret opp mot omsynet til offentleg interesse og kravet om ålment innsyn. Elles vil oppmodinga verte vurdert i høve prinsippet om meirinnsyn på vanleg måte. Dersom kommunen meiner at det ikkje er grunnlag for fritak, vil søkjaren verte kontakta og få tilbod om å trekkje søknaden før endeleg søkjarliste vert laga.

Kontaktinformasjon

Joanne Picton Aarseth, Avd.leiar Teneste for psykisk helse og rus, 99495111, joanne.aarseth@orsta.kommune.no
Sigrun Halkjelsvik, Tenesteleiar Heimetenester, 48010415, sigrun.halkjelsvik@orsta.kommune.no

Arbeidsstad

Berte Kanutte-Vegen 6a
6150 Ørsta

Nøkkelinformasjon:

Arbeidsgivar: Ørsta kommune

Referansenr.: 4965663297
Stillingsprosent: 60%
Fast
Søknadsfrist: 30.05.2025