Kreftsjukepleiar

Vi søker deg som vil arbeide med kreftrelaterte pleie- og omsorgsoppgåver i Hyllestad kommune.

Hyllestad kommune søkjer kreftsjukepleiar for å utvikle tenestene for innbyggjarar som gjennomgår kreftsjukdom, tilsetting i 100 % fast stilling. Alternativt søkjer vi sjukepleiar som ønskjer å ta vidareutdanning som som kreftsjukepleiar. 

Kvifor søkje hos oss?

• Du kan bidra til å vidareutvikle tenestetilbodet til kreftramma i alle aldrar, både under og etter behandling
• Bli del av eit velrennomert eksisterande palliativt tilbod og lindrande behandling
• Inngå i eit velfungerande samarbeid med palliativt team i Helse Førde
• Kommunen har engasjerte medarbeidarar og stabil legedekning
• Løn som spesialsjukepleiar ved fullført utdanning innan kreftsjukepleie
• Viktige, interessante og miningsfulle oppgåver ventar på deg
• Moglegheit til å påvirke eigen arbeidsdag og utvikle eigen kompetanse

I tillegg vert du medlem i KLP, ei av landets beste pensjonsordningar. Les gjerne meir om medlemsfordelane i KLP - Kommune- og Helse-Norges eget pensjonsselskap

Som kreftsjukepleiar vil arbeidsoppgåvene m.a. vere:

• Pasientretta arbeid, tverrfagleg samarbeid og kreftomsorg gjennom heile livsløpet
• Kreftsjukepleiar vil ha ansvar for internundervisning og utvikling av kunnskapsbasert praksis innan eige funksjons- og ansvarsområde
• Ansvar for å koordinere samarbeidet internt i kommunen og med spesialisthelsetenesta er ein del av stillinga
• Tilsettinga medfører oppgåver innan både helse- og omsorgstenesta. Behovet for kreftsjukepleiar vil variere og periodevis medføre andre pleie- og omsorgsoppgåver innan helse- og omsorgstenestene.
• Stillinga er for tida organisatorisk plassert i omsorgstenesta med arbeid i turnus og kvar tredje helg. Arbeidsgjevar tek atterhald om endring av arbeidsstad, arbeidsoppgåver og ansvarsområde i tråd med ved behova i kommunen

• Oppgåver som kreftsjukepleiar vert justert etter kvalifikasjonar
• Sjukepleiar i utdanning frå 100 % fast tilsetting med tariffløn og arbeidsplikt
• For obligatoriske studiesamlingar og praksisperiodar vert det gjeve permisjon med løn.
• Utdanningsperioden utgjer 90 studiepoeng, etterfulgt av ei bindingstid på 2 år.
• Ønskjer du å utvide utdanninga for å oppnå ein mastergrad innan kreftsjukepleie, må dette avtalast med næraste leiar for å gjennomgå nye vilkår.
• Studieinnsatsen mellom studiesamlingar og arbeid med arbeidskrav i utdanninga, vert rekna som eigeninnsats.

For deg som ynskjer å utdanne deg er søknadsfristen for oppstart av utdanning deltid i kreftsjukepleie hausten 2026 medio april 2026. Når du har motteke bekrefting på studieplass må du melde frå til arbeidsgjevar, ev. etterregistrerer du bekreftinga i EasyCruit. Det er eit krav at ein startar utdanning seinast innan hausten 2027. 

Søknadsfrist for utdanning deltid kreftsjukepleie er medio april 2026. Når du har motteke bekrefting på studieplass må du melde frå til arbeidsgjevar, ev. etterregistrerer du den i EasyCruit. Det er eit krav at ein startar utdanning seinast innan hausten 2027.

Sjekk gjerne utdanningsinstitusjonar og søknadsfristar:
• Klinisk sykepleie - spesialisering i kreftsykepleie - Klinisk sykepleie - spesialisering i kreftsykepleie - Universitetet i Innlandet
• Kreftsykepleie – master - NTNU

Kvifor Hyllestad?

Hyllestad kan skilte med norsk natur på sitt beste, du kan rusle langs vasskanten eller bestige fjell som Lihesten, her er gode moglegheiter for jakt og fiske. I Hyllestad er det rom og moglegheiter for både familiar og einslege. Vi har mange fritidsaktivitetar i regi av ulike lag og organisasjonar. Og - her er plass til fleire - kanskje akkurat deg?

Kommunen har ledige byggeklare tomter med flott utsikt og gode solforhold, fritids- og aktivitetstilbod for både store og små. Har du lyst å lese meir om livet i Hyllestad.

Kvalifikasjonar

• Utdanning som kreftsjukepleiar (90 stp) eller at ein er villig til å ta slik utdanning
• Det er ønskjeleg med erfaring frå arbeid som kreftsjukepleiar/palliativt arbeid - eller minimum 2 års erfaring som sjukepleiar
• Motivasjon for å bli kreftsjukepleiar
• Evne til samarbeid, vere ein god lyttar og vilje til å møte pasientane der dei er
• Evne til å vise anvar, omsorg og ha eit ønskje om å bidre til eit godt arbeidsmiljø
• Førarkort for personbil

Tilsetting føreset godkjent helseattest (smittevern) og politiattest i samsvar med lovverket. Politiattesten kan ikkje vere eldre enn tre månader og skal leggast fram før tiltreding.

Kontakt

Fleire opplysningar om stillinga kan du få hos kommunalsjef helse og omsorg Rolf Horne, telefon 469 37 412.

Relevante lenkjer

• Hyllestad kommune som framtidig arbeidsgjevar
• Hyllestadinfo
• Sjå andre ledige stillingar i Hyllestad på arbeidsplassen.no