Vil du bli vår nye helsefagarbeidar?

Har du lyst på ein spennande jobb der du får hjelpe pasientar med å gjenvinne funksjon og meistre eige liv og kvardag? Då kan dette vere jobben for deg!

Vi er lokalisert på Stord sjukehus og høyrer til avdeling for rehabilitering. Avdelinga vår har 9 døgnplassar, med plan om å auke opp til 15 plassar. Her gir vi spesialiserte rehabiliteringstenester til innbyggjarane i dei 16 kommunane som høyrer til Helse Fonna Helseføretak.

Rehabiliteringsposten vår tilbyr utreiing og behandling til pasientar med ulike samansette funksjonsnedsettingar etter sjukdom/ skade. Hovudtyngda er akutt hjerneslag og annan nevrorehabilitering. Det kan bli aktuelt med andre pasientgrupper når vi utvidar tilbodet vårt. 

Som helsefagarbeidaren vil du jobbe i tverrfagleg team med ergoterapeut, fysioterapeut, lege, logoped, nevropsykolog, sjukepleiar og sosionom. Helsefagarbeidaren er ofte den som er tettast på pasienten gjennom heile døgnet, og har såleis ei spesielt viktig rolle i det tverrfaglege teamet i forhold til å observere pasienten sin funksjon.

Stord kan by på koseleg småbyatmosfære, eit rikt idretts- og kulturliv og flott natur tett på sjø og fjell. Sjukehuset ligg nær turområde som rehabiliteringspasientane gjer seg god nytte av. 

Vi er kjent for vårt gode arbeidsmiljø, og vi tar godt imot nye medarbeidarar. Vi ønskjer deg velkommen til å søkje på stilling hos oss! 

Kva går jobben ut på?

• Som helsefagarbeidar ved rehabiliteringsposten får du varierte og utfordrande oppgåver som mellom anna observasjon, trening og kommunikasjon med rehabiliteringspasientar
• Fokus på trening i primær ADL, styrke pasienten si eiga meistring og deltaking 
• Samarbeid i tverrfagleg team 
• Arbeid kvar tredje helg
  

Kva kompetanse er viktig i denne rolla?

• Norsk autorisasjon som helsefagarbeidar
• Gode språkkunnskapar er heilt avgjerande for forsvarleg pasientbehandling. Ikkje-nordiske statsborgarar må minimum ha bestått Bergenstesten eller anna norsktest på B2-nivå. Dokumentasjon må leggjast ved søknad.
• Fordel med vidarutdanning innan rehabilitering 
• Fordel med erfaring innan rehabilitering

Å vere personleg eigna for stillinga vil bli vektlagd

Kva ser vi etter hos deg?

Vi søkjer ein person som:

• er motivert og har interesse for fagfeltet
• har god fagleg vurderingsevne, arbeider målretta og strukturert
• kan arbeide godt både sjølvstendig og i team
• kommuniserer og samarbeider godt med pasientar, pårørande og kollegaer
• ønskjer å vidareutvikle kompetansen sin
  
• bidrar til eit godt arbeidsmiljø

Vi Kvifor skal du velje oss?

• Ein spennande jobb 
• Arbeid i lag med dyktige medarbeidarar 
• Eit aktivt og triveleg arbeidsmiljø
• Gode pensjons- og forsikringsordningar  

Kontaktinformasjon

Irene Røssland Matre, Funksjonsleiar, +47 97589023, irene.rossland.matre@helse-fonna.no
Marianne Hollund Espeland, Avdelingsleiar, +47 95234329

Arbeidsstad

Tysevegen 64
5416 STORD

Nøkkelinformasjon:

Arbeidsgivar: Helse Fonna HF

Referansenr.: 4997053527
Stillingsprosent: 100%
Fast
Startdato: 22.09.2025
Søknadsfrist: 18.08.2025