Sunnhordland museum søkjer formidlar/ publikumsansvarleg til Sunnhordlandstunet.

Er du glad i kultur, historie, formidling og menneske? Då er du kanskje den vi leitar etter?

Som formidlar/ publikumsansvarleg ved Sunnhordlandstunet vert du ein del av eit spennande tverrfagleg miljø, og du vert del av Sunnhordland museum si faggruppe for formidlingsaktivitetar. Stillinga rapporterer til formidlingsleiar ved museet.

Aktuelle arbeidsoppgåver:

· formidling til born og unge i barnehage og skule

· formidlingsopplegg og omvising for andre målgrupper

· formidling på digitale flater

· planleggja og gjennomføra arrangement inkl. salg og marknadsføring

· ansvar for escaperoom, butikk, kafé og resepsjon

· førebu eit variert tilbod til sommarsesongen og oppfølging av sommarvikarar

· vera med og skapa utstillingar

· Sunnhordland museum har lokasjonar i heile regionen og har oppdrag både for den kulturelle skulesekken og den kulturelle spaserstokken. Som del av vårt formidlarteam vil det vera aktuelt å bidra på andre arena ved behov.

Kvalifikasjonar

· minimum 3-årig høgare utdanning innan museumsrelevante fag

· erfaring frå arbeid på museum og med publikum

· kunnskap og interesse for historiefaget

· du er strukturert, sjølvstendig, praktisk, får ting til å skje og tek ansvar for resultat

· du har kunnskap om og kan bidra i museet sitt arbeid med SOME og digital formidling

Vi tilbyr

· interessant og variert stilling i eit spennande, utoverretta og tverrfagleg miljø

· moglegheit for å delta på relevante kurs

· varierte oppgåver med stor friheit til å utvikla og skapa museumstilbod

· fleksitid

· lønn etter avtale i stillingskode 1434/1364 basert på landsovereinskomsten for museum (Virke). God pensjonsordning

Generell informasjon:

Stillingsstorleik: 100% fast

Arbeidsstad: Sunnhordlandstunet. Det må påreknast ein del kvelds og helgearbeid.

Vi oppmodar kvalifiserte kandidatar om å søkje uavhengig av kjønn, funksjonsevne og kulturell bakgrunn

Nærare opplysningar får du ved å vende deg til Direktør Linda Øen tlf: 97067136

Søknad kan sendast til post@sunnhordland.museum.no, søknadsfrist: 20. juni