Klubbarbeidar i fritidsklubbane i Årdal

2 x 10 % fast stilling i fritidsklubbane i Årdal.

Me har to fritidsklubbar: " Kjedlar`n" i Øvre Årdal og " Mekken" på Årdalstangen.

Det er arbeid på kveldstid onsdag og torsdag, samt ein fredag i månaden.

• Ansvarleg for planlegging og gjennomføring av arrangement og klubbkveldar
• Tilby eit lågterskeltilbod der ungdom kan møtast, vere seg sjølv og bygge relasjonar
• Bidra til trivsel og førebyggje einsomheit og utenforskap
• Samarbeide tett med ungdommane om å utvikle tilbodet i klubben
• Samtale med ungdom
• Lage og servere måltid i lag med ungdommane
• Delta på ulike arrangement i regi av klubben

• Må helst være fylt 23 år
• Ein må levere godkjent politiattest
• Erfaring med å planlegge eller gjennomføre aktivitetar for ungdom
• Kjennskap til ungdomskulturen
• Utdanning eller pågåande studiar innan f.eks. barne- og ungdomsarbeid, sosialt arbeid, pedagogikk, kultur eller liknande er ønskeleg, men ikkje et krav
• Kreative ferdigheiter eller interesser (f.eks. musikk, gaming, matlaging, sport, kunst) er eit pluss

• Du er ein engasjert person som likar å arbeide med born og unge
• Du brenn for å skape eit trygt, positivt og inkluderande miljø i klubbane
• God på relasjonsbygging
• Ansvarsbevisst og påliteleg
• Fleksibel, kreativ og tilpassingsdyktig
• Gode samarbeidsevner og personlege eigenskapar vil bli vesentleg vektlagd

Løn etter Hovudtariffavtalen, vurdert utifrå utdanning og praksis.

2 % vert trekt til tariffesta tenestepensjon.

Det er 6 månader prøvetid for nytilsette i Årdal kommune.

Fritidsklubbane følgjer skuleruta dvs. at me held stengt når skulen har ferie. For å ha fri i feriane er det eit lønstrekk på 1,1% for ei 10% stilling. Det vil då vere ein lønsprosent på 8,9% for stillinga.

Me tilsett fortløpande då klubbane startar opp i veke 36.