Rådgivar/seniorrådgivar - tilskot og kontroll

Om stillinga

I Rogaland har vi dyktige bønder, stor foredlingsindustri og fleire jordbruksfaglege kompetansemiljø. Jordbruksnæringa i Rogaland er svært viktig for nasjonal matforsyning, og vi treng eit aktivt jordbruk i heile fylket. Om lag 2 milliardar kroner blir årleg gitt i statlege tilskot til bøndene i Rogaland, og Statsforvaltaren i Rogaland har eit overordna ansvar for forvaltning av midlane.

Kommunane er førsteinstans for dei fleste ordningane, og ei av våre viktigaste oppgåver er å arbeide for å gjere kommunane dyktige. Vår nye kollega skal arbeide opp mot kommunane med informasjon og rettleiing, og gjennomføre forvaltningskontrollar for å sjå til at kommunane forvaltar tilskota etter offentleg regelverk og eigen internkontroll. 

Landbruksavdelinga har ledig ei fast stilling som rådgivar/seniorrådgivar - tilskot og kontroll. 

 

Arbeidsoppgåver

• koordinere, planlegge og gjennomføre forvaltningskontrollar av kommunane
• koordinere arbeidet med internkontrolldokumenta og arbeidet med risikovurdering av alle tilskotsordningane
• saksbehandle saker og klagesaker innan produksjons- og avløysartilskott
• dialog med og rettleiing av kommunane
• samarbeide med Mattilsynet, kommunane, forskingsmiljø og andre fagmiljø
• delta i embetet sitt tilsynslag

delta i tverrfaglege utgreiings- og samarbeidsoppgåver med andre statlege regionale etatar, fylkeskommunen, kommunar og næringa

Kvalifikasjonskrav

Kven er du vi ønskjer i denne stillinga? Du vil bli ein del av eit erfarent team hos oss, men må òg trivast med å arbeide sjølvstendig. I Landbruksavdelinga får du kollegaer som er av den realistiske, optimistiske og engasjerte sorten. Vi ser føre oss at du har god regelverkforståing, liker å arbeide systematisk og trivast med saksbehandling og utgreiingar. Ønska fagleg utdanning og jobberfaring kan vere innan til dømes agronomi, juss, rekneskap og kvalitetsrevisjon, eller ein kombinasjon av desse. Du har kunnskap om landbruket.

Vi ønsker oss ein dyktig medarbeidar som:

• har relevant utdanning helst på mastergradsnivå. Utdanning på lågare nivå kan kompenserast med relevant erfaring
• har erfaring frå offentleg forvaltning og prosessarbeid
• er flink til å kommunisere munnleg og skriftleg

Personlege eigenskapar:

• du har gode samarbeidsevner og god relasjonell kompetanse
• du kan arbeide sjølvstendig, ta initiativ, er løysningsorientert og har god gjennomføringsevne
• du er strukturert og nøyaktig i arbeidet ditt

Personlege eigenskapar blir vektlagt.

Vi tilbyr

• lønn som rådgivar, kr 570 000 - kr 700 000 pr år, lønn som seniorrådgivar kr 630 000 - 770 000 pr år, avhengig av kvalifikasjonar og erfaring. For særleg godt kvalifiserte kan høgare lønn vurderast
• fleksibel arbeidstid og statleg avtaleverk
• god pensjonsordning, gruppelivsforsikring og moglegheit for bustadlån gjennom Statens pensjonskasse (det blir trekt 2% pensjonsinnskot frå lønna)
• gode høve til fagleg utvikling og til å utvikle fagleg nettverk
• nødvendig opplæring og rom for kompetanseutvikling
• varierte, interessante og viktige oppgåver
• triveleg arbeidsmiljø i Statens Hus sentralt i Stavanger
• HjemJobbHjem-ordning

Det er 6 månaders prøvetid i stillinga.

Statsforvaltaren jobbar med mange sider av livet og samfunnet. Derfor meiner vi at inkludering og mangfald er ein styrke. Vi ønskjer medarbeidarar med ulik kompetanse, fagkombinasjonar, livserfaring og perspektiv for å sikre ei endå betre oppgåveløysing. Så langt som mogleg legg vi til rette for medarbeidarar som har behov for det. Dersom det er kvalifiserte søkjarar med funksjonsnedsetjing, hol i CV-en eller innvandrarbakgrunn, blir minst éin søkjar innkalla til intervju. For å bli vurdert som søkjar i desse gruppene, må søkjarane oppfylle visse krav og det må kryssast av i søknaden.

Spørsmål om stillinga

Nærare opplysningar om stillinga får du av kst. landbruksdirektør Anfinn Rosnes, mobil nr. 48 14 72 13 og kst. ass. landbruksdirektør Monica Dahlmo, mobil nr. 45 65 28 33.