Er du klar for ei spennande og samfunnsnyttig utfordring i ei offentleg verksemd? 

Nav Vestland søkjer ein dyktig koordinator til vårt kvalitetssikringsteam på fagområdet arbeidsavklaringspengar (AAP) og 14a-vedtak med utfall "liten mulighet til å jobbe" og "jobbe delvis".  

Som koordinator for dette teamet vil du få fagleg ansvar for eit team som jobbar med å sikre høg kvalitet i sakshandsaminga og dagleg samhandling med rettleiarar i Nav-kontora. Du vil få ansvar for å koordinere oppgåvene til teamet, sikre lik sakshandsaminga på AAP-feltet i Nav Vestland, og medverke til innføring av eit nytt system for sakshandsaming. 

Stillinga er plassert i avdelinga for fag og tenester, og du vil jobbe tett og tverrfagleg med kollegaer på fylkeskontoret. Kvalitetssikringsteamet består av 17 medarbeidarar som har arbeidsstad ved NAV‑kontor i Vestland fylke. Koordinatoren blir tilsett ved NAV fylkeskontor Vestland i Bergen. Arbeidsstad er fylkeskontoret, men delvis oppmøte kan også vere aktuelt på Nav kontor i Nav Vestland.   

Nav fylkeskontor Vestland har det overordna ansvaret for gjennomføringa av arbeids- og velferdspolitikken i Vestland med styringsansvar for ni regionar og ei spesialeining. Fylkeskontoret er lokalisert i Bergen med omtrent 45 tilsette fordelt på fire avdelingar; avdeling fag og tenester, avdeling økonomi og analyse, avdeling HR og organisasjon og avdeling partnarskap og kommunikasjon.  

Kva går jobben ut på? 

• koordinere og sikre kvalitet i sakshandsaminga innan fagområdet arbeidsavklaringspengar (AAP) og §14a. 
• følge opp kvalitetsindikatorar for Nav-kontora og Nav Vestland  
• delta i nasjonalt fagnettverk for AAP, og halde nettverksmøte for kvalitetssikringsteamet 
• sikre kompetansedeling og at læring i teamet vert delt med Nav-kontora 
• tilretteleggje for kompetanse- og kvalitetsutvikling
• samhandle for å løyse teamet sine oppgåver, inkludert å handtere faglege problemstillingar og samarbeide med personaleiarane til kvalitetssikrarane
• rapportere resultat, utvikling og måloppnåing

Andre oppgåver kan bli tillagt stillinga, og noko sakshandsaming kan vere aktuelt. 

Kva kompetanse er viktig i denne rolla? 

Du må ha

• fullført utdanning på minimum bachelornivå. Relevant utdanning og/eller erfaring kan kompensere for kravet til utdanning.    
• erfaring frå sakshandsaming i offentleg verksemd 
• erfaring frå brukaroppfølging 
• erfaring frå leiing, teamleiing og/eller fagansvar, inkludert oppfølging av resultat og mål
• god kompetanse innan forvaltningsrett, folketrygdlova og Nav-lova 
• god digital kompetanse 
• gode skriftlege og munnlege kommunikasjonsevner på norsk 

Kva ser vi etter hos deg?

• tek initiativ, er løysingsorientert og bidreg til framdrift 
• jobbar ryddig, strukturert og med god kvalitet i gjennomføringa
• har svært gode samarbeidsevner og bygger gode relasjonar 
• tenkjer heilskapleg, ser samanhengar og gjer vurderingar på tvers av fagområde 

Kvifor velje oss?

• ei spennande stilling i eit godt arbeidsmiljø prega av høg kompetanse og engasjerte medarbeidarar  
• store moglegheiter for fagleg og personleg utvikling  
• fleksibel arbeidstid, heimekontorordning og moglegheit for trening i arbeidstida  
• god pensjonsordning, låneordning og forsikringar gjennom Statens pensjonskasse  
• stillinga blir plassert i stillingskode 1364 seniorrådgivar. Lønsspennet er frå kr. 690 000 til 750 000. For særs kvalifiserte søkarar kan høgare lønn vurderast. 

Les meir om Nav som arbeidsgivar

Kontaktinformasjon

Jane Britt Daae, Avdelingsdirektør avdeling fag og tenester, 414 60 137, jane.britt.daae@nav.no

Arbeidssted

Solheimsgaten 7E
5058 Bergen

Nøkkelinformasjon:

Arbeidsgiver: Nav

Referansenr.: 5098986406
Stillingsprosent: 100%
Fast
Søknadsfrist: 09.04.2026