Brenn du for nærings- og samfunnsutvikling i Hardanger og Voss?

Bedriftsrådgjeving, nærings- og samfunnsutvikling

Brenn du for nærings- og samfunnsutvikling i Hardanger og Voss? Ei av dei viktigaste stillingane i regionen, dagleg leiar i Hardanger og Voss Næringshage, er ledig. Dette er ei svært sentral stilling med stort ansvar for å leggja til rette for verdiskaping, arbeidsplassar og godt samarbeid i vid forstand.

Arbeidsoppgåver:

• Utarbeida/utvikla overordna mål, strategiar og handlingsplanar i tett samarbeid med styret, og ha ansvar for gjennomføring.

• Sikra at verksemda oppnår resultat og har god økonomistyring.

• Byggja relasjonar og nettverk for å utvikla samarbeidet med næringslivet, kommunane, fylkeskommunen, verkemiddelapparatet og andre samfunnsaktørar. Vera synleg og til stades ute i regionen.

• Representera verksemda i ulike samanhengar.

• Halda presentasjonar og leia ulike samlingar.

• Sørgja for at medlemsbedriftene får god rådgjeving slik at Hardanger og Voss Næringshage vert den føretrekte leverandøren av slike tenester

• Leggja til rette for vekst av rådgjevingstenester og -oppdrag.

• Overordna næringsrådgjevingsfunksjon.

• Skapa idear, setja i gang og koordinera utviklingsprosjekt i regionen på tvers av bedrifter, bransjar, offentleg, privat, kultur og idrett.

• Leia eit fagleg sterkt og sjølvstendig team bygd på tillit og fridom.

Om kandidaten:

• Jobbar strategisk med eit overordna perspektiv, ikkje for detaljfokusert.

• Er utadvendt. Likar å vera ute og snakka med folk, og evnar å byggje nettverk.

• Gode formidlings- og kommunikasjonsevner.

• Engasjerande, inkluderande og tillitsvekkjande både internt og eksternt.

• Har høg gjennomføringsevne med resultatfokus.

• Audmjuk og framhevar heller medarbeidarane enn seg sjølv.

• Har leiarrøynsle.

• Evnar å vera tydeleg både eksternt og internt.

• Løysingsorientert.

• Engasjert i regionen og samfunnet.

• Høgare utdanning, men solid erfaring kan kompensera for utdanning.

• Vera ein sparringspartnar og utviklande leiar for medarbeidarane.

Kva tilbyr me:

Meiningsfulle og inspirerande arbeidsoppgåver, med stor innverknad på eigen arbeidskvardag og utvikling.

Konkurransedyktige vilkår i eit stimulerande, dyktig og engasjerande kollegium, med eit aktivt, konstruktivt og støttande styre.

Kontorstad vert enten Øystese eller Voss, avhengig av kvar dagleg leiar er busett og føretrekkjer.