Ungdomslos

Om stillinga

Som ein del av Jobbmot kompetansesenter for ungdom og arbeid kan du være med å finne gode løysingar for ungdom som er i ferd med å falle ut eller er ute av skule, være pådrivar for å utvikle gode samarbeid med næringslivet i regionen og sikre at arbeidslivet tek i bruk den unge arbeidskrafta? Målgruppa er ungdom under 25 år som treng oppfølging utover direkte formidling til kvalifisering, utdanning eller arbeid, frå det året dei går i 10.klasse.

Med midlar frå Bufdir og Osterøy kommune søkjer vi no etter ein ungdomslos knytt til Jobbmot kompetansesenter for ungdom og arbeid i eit engasjement på 1 år, men det kan bli forlenga.

Jobbmot skal rettleie både ungdomen og arbeidslivet slik at unge på ein god måte finne sitt virke i regionen vår. Vi skal levere rask rettleiing for å kople rett teneste til ungdom og arbeidsgjevar. Kompetansesenteret skal og gje rådgiving til samarbeidspartnarane våre, då særskilt grunnskule og arbeidsgjevar. Som ungdomslos vil du tilby kartlegging og rådgjeving til både ungdom, arbeidsgjevarar og samarbeidspartar, samt være eit bindeledd mellom instansane rundt ungdommen. 

Søkjer må være førebudd på noko ukurant arbeidstid. Grunna prosjektets mål om å være til stades på ungdomens arenaer og å tilpasse oss målgruppa, er det ønskjeleg at prosjektmedarbeidaren er fleksibel og kan tilpasse arbeidstida til dette. 

I søknadsteksten ber vi deg reflektere over kva som motiverer deg til å søkje denne stillinga. 

Målgruppa er ungdom frå 10 klasse til 25 år, og arbeidsgivarar i Nordhordland.
Jobbmot er eit bindeledd mellom ungdom og næringslivet i regionen. Vi gjer råd til ungdom, arbeidsgivarar, føresette, rådgjevarar i skule, lærarar og samarbeidspartar, og tilbyr individuell oppfølging til ungdom som ønskjer endring. 

Arbeidsoppgåver

• Gi ungdom tett og tilrettelagt oppfølging i form av motivasjonsarbeid og veiledning i og utanfor skule, og i overgang mellom grunnskole og vidaregåande opplæring og overgang skule/arbeidsliv.
• Direkte kontakt med arbeidsgjevarar i regionen
• Individretta arbeid med ungdom som er innanfor målgruppa til LOS ordninga
• Nært samarbeid med aktuelle samarbeidspartnere rundt ungdommen
• Råd og rettleiing til samarbeidspartar
• Utvikle og gjennomføre tiltak retta mot målgruppa
• Delta i ulike samarbeidsforum

Vi tilbyr

• Å vera ein del av innovasjon og nybrottsarbeid i region Nordhordland.
• Utgjere ein skilnad for ungdommen i regionen vår.
• Spennande jobb i eit innovativt arbeidsmiljø, prega av kompetanse og marknadsorientert innstilling.
• Godt arbeidsmiljø prega av engasjerte og kunnskapsrike kollegaer.
• Relevant opplæring, og gode høve til utvikling.
• Fleksitidsordning.
• Løn etter avtale
• God pensjonsordning

Kvalifikasjonskrav

• Minimum tre års relevant utdanning frå høgskole eller universitet, til dømes sosionom, vernepleiar, barnevernspedagog. Særleg relevant erfaring kan kompensere for utdanningskravet.
• God skriftleg og munnleg framstillingsevne.
• God rettleiings- og relasjonskompetanse.
• God kartleggings- og karrierekompetanse 
• Må ha erfaring frå arbeid med av ungdom 
• Førarkort klasse B.
• Kjennskap til arbeidsmarknad og næringslivet
• Kunnskap om utdanningssystemet, hjelpeapparatet rundt ungdom og arbeidsmarknaden i regionen er ein fordel.
• Kjennskap til Nav, fylkeskommune og offentleg forvaltning er ein fordel.

Kven er du og kva personlege eigenskaper ser vi etter:

• Brenn for ungdommen i regionen vår
• Gode sosiale ferdigheiter og evne til å skape tillit hos eit mangfald av menneske
• God til å skape relasjon med arbeidsgjevarar
• Evne til å få ungdom til å sjå moglegheiter framfor hindringar
• Du er god til å lytte og likar å vere saman med ungdom
• Evne både å jobbe sjølvstendig og i team
• Du er dyktig til å koordinere og har gode samarbeidsevner
• Du er god på møteleiing, fagleg trygg og sjølvstendig
• Motivasjon for arbeidsretta oppfølging av menneske i ulike livssituasjonar
• Pågangsmot, godt humør og gode kommunikasjonsevner
• Evne til å vise fleksibilitet i forhold til arbeidsoppgåver og være ein bidragsytar til eit godt arbeidsmiljø
• Evne til å sette seg inn i nye IKT- verktøy og digitale plattformer

Offentleg tenestepensjon

 I denne stillinga har du rett på ei av Noregs sikraste pensjonsordningar: offentleg tenestepensjon. Der dei fleste tenestepensjonar berre utbetalast i 10 år, er offentleg tenestepensjon ei utbetaling som varar frå den dagen du sluttar å arbeide - og livet ut! 

Pensjonen inkludera og uføre- og etterlattepensjon dersom noko uventa skulle skje. Med pensjonsrett i KLP får du og medlemspris og gunstige betingelsar på ei rekke bank, forsikring og spareproduktar! 

Sjå vår Pensjonsguide for meir informasjon om kva for godar du som tilsett i Osterøy kommune får med deg!