Juridisk rådgjevar

Om arbeidsstaden

Samfunnsutvikling er ein av tre sektorar i Austevoll kommune. Sektoren har om lag 35 tilsette og blir leia av kommunalsjef. I denne sektoren inngår folkehelse, planarbeid, byggesak, drift og vedlikehald, brann og redning, beredskap, eigedomsforvaltning og utbyggingsprosjekt. Byggesaksavdelinga er leia av byggesaksleiar og stillinga vil rapportere til denne. Avdelinga arbeider med fagområda bygge- og delesaker, oppmåling, matrikkel og forureining.

Om stillinga

Austevoll kommune har ledig stilling som juridisk rådgjevar innanfor byggesaksbehandling. I tett samarbeid med engasjerte kollegaer vil du bidra til effektivisering av kommunen sine tenester og fremme tverrfagleg samhandling. Du vere med på å gje innbyggarane god service og rettleiing, og sikre kvalitet og effektivitet i behandlinga av byggesaker. Vi søker etter ein engasjert og kvalifisert jurist med interesse for byggesaksbehandling. 

I teamet vårt kan du ta del i spennande oppgåver som synfaring, tilsyn, rettleiing av publikum, dialog med utbyggjarar og andre mynde, matrikkelføring, samt saksførebuing og rapportering til politisk utval. Dette er ein arbeidsstad kor du kan gjere ein reell forskjell. Søk no og bli ein del av kommunen sitt viktige arbeid med å skapa ei betre framtid for Austevoll samfunnet. 

Arbeids - og ansvarsområde

• Handsame klagesaker, byggesaker og dispensasjonar etter plan- og bygningslova
• Gjennomføra tilsyn og følga opp ulovlege forhold etter plan- og bygningslova
• Gje råd og rettleiing til publikum 
• Førebuing av saker til politisk behandling
• Bidra til utvikling av rutinar og forbetring av kvalitet i avdelinga
• Tverrfagleg samhandling med andre fagområde i kommunen 

Kvalifikasjonskrav

• Juridisk embetseksamen (cand.jur) eller master i rettsvitskap. 
• God munnleg og skriftleg framstillingsevne på norsk. Skriftspråket er nynorsk. 
• Førarkort klasse B 
• Internasjonale gradar må vere godkjent av NOKUT. 
• Kjennskap til plan- og bygningslova, med tilhøyrande forskrifter 
• Kjennskap til offentleg forvaltning 
• Relevant arbeidserfaring frå saksbehandling er ønskeleg 

Personlege eigenskapar

• Sjølvstendig og strukturert
• God rolleforståing for politiske prosessar 
• Løysingsorientert og har gjennomføringsevne 
• Gode kommunikasjons- og samarbeidsevner, men trivst også med sjølvstendig arbeid
• Lære- og samarbeidsvillig
• Positiv og har evne til å bidra til eit godt arbeidsmiljø 
• Samfunnsengasjert 

Vi tilbyr

• God opplæring og rettleiing 
• Varierte og utviklande oppgåver i framtidsretta fagområde 
• Moglegheit for fagleg utvikling i eit godt og positivt fagmiljø 
• Spennande utfordringar
• Løn etter kvalifikasjonar 
• Delvis heimekontor og fleksibel arbeidstid 
• Gode pensjons- og forsikringsordningar

Slik søker du

Send søknad og CV ved å klikke på knappen merka "Søk stilling" på denne sida.

Det er søkar sitt ansvar å sørge for at alle relevante vedlegg er lagt inn innan fristen, som for eksempel attester og vitnemål. Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkar sjølv laste opp attesterte omsettingar.

Ikkje send søknad på e-post til enkeltpersonar i kommunen.

Vi gjer merksam på at i følge offentleglova § 25, 2. ledd kan opplysningar om søkaren bli offentleggjort sjølv om søkaren har oppmoda om ikkje å bli ført opp på offentleg søkarliste. Søkaren vil alltid bli varsla på førehand dersom søkarlista blir offentleggjort.