Vil du ha sommarjobb i helse- og omsorg?

Ønskjer du ein spennande og meiningsfull sommarjobb? Fjaler kommune treng vikarar til Helse- og omsorg sommaren 2026 i veke 26-33. Vi tilset fortløpande, så det er ingen grunn til å vente med å søke.

Vi har ledig ferievikariat ved følgande einingar:

• Fjaler sjukeheim
• Dagsenter sjukeheim
• Heimetenesta med brukarar i heile kommunen
• Miljøarbeid for menneske med utviklingshemming
• BPA (personleg assistent til enkeltbrukarar)
• Institusjonskjøkkenet ved Fjaler sjukeheim
  
  

Dersom dette er interessant for deg, kan du gjere følgjande:

• I søknaden set du opp ynskje for den eller dei einingane du helst vil arbeide ved i sommar
• Du må presisere kva tidsrom du kan jobbe 

Søkjarar som kan vikariere i heile ferieperioden vil bli prioriterte.

Arbeidsoppgåver:

• Oppgåvene er varierande alt etter kvar du arbeidar. Døme på oppgåver er pleie, omsorg, praktisk bistand og  miljøarbeid ved institusjon og helsetenester i heimen
• Felles for alle sommarvikar er fokus på gode tenester til brukarar og pasientar
  
  

Kvalifikasjonar:

• Alle søkjarar må ha fylt 16 år
• Søkjarar til arbeid i heimetenesta må ha førarkort klasse B.
• Alle sommarvikarar må levere politiattest og få godkjend MRSA- og tuberkulinerklæring før tiltreding.
• Søkjarar må kunne kommunisere godt på norsk
  
  

Personlege eigenskapar:

• Interesse for å arbeide med menneske
• Vere lojal og påliteleg
• Vere fleksibel
• Evne til samarbeid

Vi tilbyr:

• Løn etter tariff og lokale avtalar, der høgskulestudentar (innan helse- og sosialfag) vert løna ut frå studieforløp
• Bonusordning:
• • Bonus pr veke, for dei som fyller 18 år i løpet av året som jobbar minimum 4 veker (må være disponibel for minimum 4 vakter per veke).
  • Bonus for dei som er under høgskuleutdanning innan helse- og sosialfaglege yrke og for dei som har fullført to års skulegang ved helsefag på vidaregåande skule.
  • Legestudentar og psykologistudentar får løn som 3 åring høgskule, frå det året dei er ferdig med 3. året i utdanningsforløpet.
• Pensjonsopptening i KLP
  
  

Vi gjer merksam på at søkjarliste med namn, kjønn, alder og noverande stilling i utgangspunktet er offentleg. Dersom det ikkje er særlege grunnar for å unnta offentleggjering, vil søkjaren bli kontakta og få høve til å trekke søknaden sin før søkjarliste blir gjort offentleg.