Vikariat som fagbioingeniør med nestleiarfunksjon ved Hormonlaboratoriet

Avdeling for medisinsk biokjemi og farmakologi (MBF) er ein av i alt åtte einingar som er organisert under Laboratorieklinikken i Helse Bergen, og har om lag 360 tilsette. Avdelinga har 12 analytiske og 4 ikkje-analytiske seksjonar, tre legegrupper (seksjon for medisinsk biokjemi, Hormonlaboratoriet og seksjon for klinisk farmakologi), i tillegg til NAPOS, NOKLUS Vest og RELIS og SoReg.

Vi utfører ei rekke analysar innan fagområda medisinsk biokjemi og klinisk farmakologi, og har moderne analyseinstrument. I tillegg til ei omfattande rutinedrift som inneber døgnkontinuerleg vaktordning blir det drive forsking og utviklingsarbeid. Laboratoriet er akkreditert etter ISO standard 15189.

På Hormonlaboratoriet er vi om lag 30 medarbeidarar fordelt på bioingeniørar, metodeutviklarar, kjemiingeniør og legar. Vi har både automatiserte immunologiske metodar, manuelle benkemetodar og LC-MS/MS-metodar. Vi har robotar frå Hamilton og Tecan og LC-MS/MS-instrument frå Sciex, Waters og Matriks. Vi held til i åttande etasje i Laboratoriebygget i lyse og trivelege lokale.

Vi søker etter ein engasjert og motivert medarbeidar som vil trivast i eit spennande arbeidsmiljø med mange ulike oppgåver.

Frå 31.08.2026 til 25.04.2027 er det ledig eit vikariat som fagbioingeniør med nestleiarfunksjon ved Hormonlaboratoriet, med moglegheit for forlenging. Fagstillinga er knytta til fagfeltet LC-MS/MS. 

Nestleiarfunksjonen kan også søkast på av andre fagbioingeniørar ved seksjonen.

Arbeidsoppgåver

• Delta i driftsoppgåver ved Hormonlaboratoriet samt blodprøvetaking og poliklinikk
• Fagansvar for fire analysemetodar: Vitamin A og E i serum, 5HIAA i serum, Vitamin K1 i serum og forskningsanalysene Vitamin D3 og D2 i serum
• Fagansvar for ekspedisjonen
• Delta ved innføring av nye metodar og ved metodevalidering, og må kunne utføre feilsøking som ligg innanfor ansvarsområdet til fagstillinga
• Dagleg oppfølging av robot og LC-MS/MS-instrument og utvida vedlikehald av desse
• Ivareta utforming og oppdatering av prosedyrar
• Utføre kvalitetsarbeid og bidra til utvikling av kvalitetsarbeidet ved seksjonen
• Opplæring og rettleiing av medarbeidarar i aktuelle analysemetodar. Rettleiing av studentar kan og førekome
• Delta i undervisning ved behov når dette er avtalt
• Må halde deg fagleg oppdatert innan ditt fagspesifikke område
• Nestleiarfunksjon
• Andre oppgåver kan tilkome 
  

Kvalifikasjonar

• Norsk autorisasjon som bioingeniør med relevant bakgrunn om minst 2 års praksis etter endt utdanning
• Det er ein fordel med relevant LC-MS/MS-erfaring.
• For nestleiarfunksjonen er det ønskjeleg med 3 års erfaring frå arbeid i laboratorium
• Må meistre godt norsk både munnleg og skriftleg

Personlege eigenskapar

• Løysingsorientert, nøyaktig og strukturert
• Fleksibel og endringsvillig
• Ansvarsbevisst og samarbeidsvillig
• Kan jobbe på sjølvstendig grunnlag og effektivt organisere eigen arbeidsdag
• Kan arbeide systematisk i stressande situasjonar
• Interesse for utvikling og kvalitet
• Engasjement for fagfeltet og ønskjer å vidareutvikle kompetansen din
• Personleg egnethet vektlegges

Vi tilbyr

• Lønn i samsvar med gjeldande overeinskomst
• Spennande arbeidsoppgåver i eit triveleg arbeidsmiljø med kompetente og stolte medarbeidarar
• Fagleg og personleg utvikling
• Stillinga er ei dagtidsstilling

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Charlotte Elisabeth Brunstøl, Seksjonsleiar, 55 97 43 81, charlotte.elisabeth.brunstol@helse-bergen.no
Ingunn Børø, Sjefbioingeniør, 99 23 50 74, ingunn.boro@helse-bergen.no

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 5102135316
Stillingsprosent: 100%
Vikariat
Startdato: 31.08.2026
Sluttdato: 25.04.2027
Søknadsfrist: 26.04.2026