Samfunnsutvikling med vekt på reiseliv og besøksforvaltning

Vestland fylkeskommune legg til rette for eit godt liv i samfunna våre, enten du bur i by eller bygd. Vi engasjerer oss i kollektivtrafikk, veg, vidaregåande opplæring, tannhelsetilbod, kulturopplevingar, forvaltning av naturressursane våre og næringsutvikling. Som ein del av arbeidet vårt støttar vi eldsjeler som vil utvikle sitt lokalsamfunn, og vi bistår kommunar som kan trenge litt ekstra drahjelp. Innan reiseliv samlar vi ulike aktørar til felles innsats. Dette for å legge til rette for ei god verdiskaping, og for at vi skal ta i mot besøkande på ein skånsom og god måte. Dette siste gjeld besøksforvaltning, der vi har drive eit prosjekt i snart tre år. I prosjektet arbeider vi saman med kommunar og aktørar innan reiselivet. Målet med prosjektet er å legge til rette for besøk og inntening utan at det gjev for stor slitasje på naturen og samfunna våre. Gjennom denne stillinga vert du sentral i å ta denne innsatsen vidare. 

Stillinga er i seksjon for naturressursar, landbruk og reiseliv. Dette er ein av fire fagseksjonar i vår avdeling for næring, plan og innovasjon. I seksjonen er det 25 personar som arbeider med oppgåver knytt til landbruk, reiseliv, utvikling av lokalsamfunn, havbruk og fiskeri, vassforvaltning, vilt og mineral. Gjennom arbeidet legg vi til rette for samfunnsutvikling og god forvaltning av  naturressursane.

 

Arbeidsoppgåver

Arbeidet inn mot reiseliv og samfunna våre er i stor utvikling, og vi ser no etter ein dyktig medarbeidar som skal arbeide med samfunnsutvikling med vekt på reiseliv og besøksforvaltning. 

Du vil i stor grad arbeide med besøksforvaltning, både gjennom fagleg arbeid og koordinering av innsatsen. Besøksforvaltning i Vestland er ein veletablert innsats der vi samarbeider med 23 kommunar og mange reiselivsaktørar. Vi skal sikre ei berekraftig utvikling av reiselivsnæringa, og dette føreset at næringa har ein positiv innverknad for samfunnet rundt. 

Det er etablert arbeidsgrupper som arbeider med desse problemstillingane:

Besøksforvaltning og lokalsamfunnsutvikling, fellesgoder og styring av trafikkstraumar, besøksforvaltning inn i kommuneplanen, 
tolegrenseanalyser og cruise. Gjennom dette arbeidet utviklar vi kunnskapen vår og utviklar gode arbeidsmåtar som kommunar og andre kan ta i bruk. 

Gjennom arbeidet ditt vil du strekkje deg etter dette:

• reisemål blir forvalta etter ein god plan
• både gjester og fastbuande sit att med gode opplevingar
• auken i verdiskaping og sysselsetjing skjer i hovudsak i lokalt næringsliv 
• reiselivsnæringa skaper positive ringverknader for anna næringsliv
• natur, landskap, by og bygdemiljø vert ikkje påført for stor slitasje
• identitet, lokal historie, mattradisjonar og kultur blir formidla

Som ein del av arbeidet med reiseliv og besøksforvaltning vil du også arbeide med kunnskap og analyse som gjer at vi kan arbeide meir målretta med å påvirke besøket vårt med tanke på stad og tid på året. Du finn meir informasjon om besøksforvaltning på heimesida vår: https://www.vestlandfylke.no/

Andre oppgåver som er tenkt til denne stillinga, innan nærings- og samfunnsutvikling:

• ta del i prosjekt og aktivitetar som fylkeskommunen leiar eller tek del i
• sakshandsaming, vurdering og oppfølgjing av eksterne prosjekt

For den rette vedkomande kan vi også tilby spennande arbeid med å bistå kommunar i deira arbeid innan utvikling og omstilling, der vi m.a. forvaltar statlege midlar. 

Du vil arbeide tett saman med kollegaer i fylkeskommunen. Fagfelta reiseliv, landbruk og samfunnsutvikling er sentrale, men arbeidet vil også ha koplingar mot andre fagområde i fylkeskommunen. Reiselivsorganisasjonane og kommunane er viktige samarbeidspartar. Det er noko reiseverksemd i denne stillinga, og du bør ha førarkort for bil. 

Kontorstad er Bergen eller Leikanger i Sogndal kommune.

Kvalifikasjonar

Den som vert tilsett må ha:

• relevant høgare utdanning, helst på masternivå. Søkjarar med utdanning på bachelornivå og med lang og relevant erfaring er også aktuelle for stillinga
• innsikt i næringsutvikling med vekt på reiseliv                               
  

Det er ein fordel med:

• god innsikt i nærings- og samfunnsutvikling
• erfaring frå reiseliv og kunnskap om besøksforvaltning
• prosjektleiarerfaring og kunnskap om prosessleiing
  

Personlege eigenskapar

• Gode samarbeidsevner.
• Kreativ, løysings- og resultatorientert.
• Initiativrik og ansvarsbevisst.
• Evne til å arbeide strukturert og sjølvstendig.
• God formidlingsevne, både munnleg og skriftleg på norsk.
• Du må like å treffe folk og å vere i dialog med andre.
• Du kjenner deg igjen i verdiane våre som er open, kompetent og modig.

Vi tilbyr

• ein meiningsfull og samfunnsnyttig arbeidskvardag
• faglege og personlege utfordringar
• gode offentlege pensjons- og forsikringsordningar
• løn etter avtale
• fleksibel arbeidstid
• stilling i ei inkluderande arbeidslivsverksemd (IA-verksemd)
• eit godt kontormiljø i Leikanger/Sogndal eller på Vestlandshuset i Bergen

Andre opplysningar:
Administrasjonsmålet i Vestland fylkeskommune er nynorsk.
Dersom du har spørsmål, ta gjerne ein prat med ein av kontaktpersonane. 

Kontaktinformasjon

Kjersti Sognnes, Fagkoordinator, 95758720, kjersti.sognnes@vlfk.no
Endre Høgalmen, Seksjonsleiar naturressursar, landbruk og reiseliv, 95207789, endre.hogalmen@vlfk.no

Arbeidsstad

Lars Hilles gate 12
5008 Bergen

Nøkkelinformasjon:

Arbeidsgivar: Vestland fylkeskommune

Referansenr.: 5120848114
Stillingsprosent: 100%
Fast
Søknadsfrist: 28.05.2026