Inkluderingspedagog

Inkluderingspedagog

Styrka barnehage, Time kommune

Om stillinga

Styrka barnehage ligg under Oppvekst, og strategiplanen er førande for alt arbeid i Oppvekst. Eit av måla i strategiplanen er å styrka det allmennpedagogiske arbeidet gjennom førebygging og tidleg innsats. Målet er å leggja til rette for ei styrking av kompetansen hjå personalet, for at barnehagen i større grad skal vera i stand til å støtta alle barn i det allmennpedagagogiske tilbodet. Oppvekst i Time har som mål å dreia ressursar frå individ til fellesskap. Eit av tiltaka for å nå dette er å ha inkluderingspedagog i alle barnehagane.

Inkluderingspedagog vil ha ei fagstilling knytt til Styrka barnehage, og vil arbeida både med oppfølging av enkeltbarn som har vedtak om spesialpedagogisk hjelp og arbeid på systemnivå. Dette inneber å gje rettleiing til tilsette og føresette, utarbeida IOP og bidra med kurs og kompetansehevende tiltak.

For komande barnehageår vil stillinga vera knytt til 3 barnehagar og bistå styrar i den enkelte barnehage på systemnivå. Dette innber å gje rettleiing til tilsette og føresette, bidra med kurs og og kompetansehevande tiltak. Inkluderingspedagog vil vera sentral i organisering av førebyggjande og inkluderande arbeid i barnehagane.

Alle barnehagane i Time kommune har eit tverrfagleg team, laget rundt læraren og barnet (LLB). Målet med laget er tverrfagleg samskaping som fører til auka kompetanse hos tilsette og at barna skal oppleva at dei høyrer til og meistrar. Laget blir leia av styrar, og består elles av PPT- rådgjevar, inkluderingspedagog og helsesjukepleiar.

Den som blir tilsett vil delta på nettverk for inkluderane fellesskap og LLB, laget rundt læraren og barnet.

Visjonen i Time er : " Alle barn og unge i Time kommune har lyst på livet og evne til å meistra det".
Me legg vekt på inkludering, respekt for mangfold og indviduelle forskjellar som grunnleggjande kompetanseverdiar. Me søkjer ein inkluderingspedagog som kan vera med å skapa eit miljø der alle barn blir sett, høyrt og verdsatt for den dei er, og som har kunnskap, ferdigheiter og haldningar som fremjar barns trivsel og utvikling.
Her finn du link til stragegiplan oppvekst 2023-2029 (pdf dokument) og ein rekrutteringsfilm (youtube) om kvifor søkja stilling i Time kommune:

https://www.time.kommune.no/_f/p1/i204e04bc-82aa-4739-ace1-b2e9ff585453/strategiplan-oppvekst-2023-2029.pdf
https://youtu.be/PKsINt1BkD4?si=-2QEwkRkdwIob-wa

Kvalifikasjonar

• Barnehagelærar med fordjupning i spesialpedagogikk, anna relevant utdanning kan kompensera
• Har god kunnskap og forståing for barnehagen sitt samfunns mandat, med særleg forkus på at alle barn skal medverka i fellesskapet
• Erfaring med inkluderingsarbeid i barnehage
• Personleg eigna vil bli tillagt stor vekt

Du må laste opp relevante vitnemål og attestar. Vitnemål og/eller karakterutskrift kan du henta frå Vitnemålsportalen. Har du utdanning frå utlandet må du leggja ved generell og/eller yrkesgodkjenning frå Direktoratet for høgare utdanning og kompetanse (HKdir).

Personlege eigenskapar

• Gode samarbeidsevner, både internt og eksternt, og kunne bidra positivt i jobbfellesskapet
• Evne til å kunne arbeide sjølvstendig og ta initiativ til oppgåver som må gjennomførast
• Villig til å ta fatt på nye arbeidsoppgåver etter kvart som organisasjonen endrar seg
• Du må like utfordringar, vere engasjert og løysingsorientert
• Evne til å ta ansvar for eigen utvikling og ta til deg ny kunnskap
• Du må ha gode kommunikasjonsevner og framstå klar og tydeleg
• Det krevst gode norskkunnskapar, og både skriftleg og munnleg framstillingsevne vil bli vektlagt i tilsetjingsprosessen

Vi tilbyr

• Gode pensjonsordningar (KLP)
• Løn etter tariff/avtale
• Ein spennande, variert og fagleg utfordrande arbeidsplass i eit godt arbeidsmiljø
• Nært samarbeid med eit breitt fagmiljø i ein organisasjon i utvikling

Der det er lovkrav om det, må politiattest registreres før første arbeidsdag tar til.