Jordmor/sjukepleiar

Ledig vikariat hos oss! Varigheit eitt år, og oppstart ønskjeleg snarast.

Vi er ei kombinert føde-, barsel og gynekologisk avdeling med omlag 400 fødslar i året og 450 gynekologiske operasjonar. Avdelinga har seleksjonskriterier og samarbeider tett med fødeavdelinga, samt nyfødtintensiv ved Haugesund sjukehus.

Som jordmor hos oss kan du forvente ein variert arbeidshverdag som inkluderer føde, barsel og gynekologi. Vi legg stor vekt på god opplæring og sørger for at du får støtte frå våre erfarne kollegaer. Arbeidsmiljøet vårt er tverrfagleg og prega av eit sterkt fokus på samarbeid og fagleg utvikling, noko som gir gode moglegheiter for både personleg og profesjonell vekst. Stillinga er tredelt og inkluderer helgearbeid.

Viktig informasjon: Dersom vi ikkje får kvalifiserte søkjarar til jordmorstillinga, vurderer vi å tilsette sjukepleiar i stillinga.

Dersom spørsmål vedrørande stillinga, ta gjerne kontakt! 

Kva går jobben ut på?

• Fødsel- og barselomsorg
• Sjukepleie og omsorg til gynekologiske pasientar
• Tverrfagleg samarbeid
• Studentrettleiing

Kva kompetanse er viktig i denne rolla?

• Autorisasjon som jordmor
• Relevant sjukehuserfaring er ein fordel
• Gode norskkunnskapar er heilt avgjerande for forsvarleg pasientbehandling. Søkarar som har andre morsmål enn norsk, svensk eller dansk, og som ikkje har fullført norskspråklig vidaregåande skule, må minimum ha bestått Bergenstesten, eller annan norsktest på B2 nivå. Dokumentasjon må vedleggast søknaden. Ved tilsetjing av allereie fast tilsett i føretaket kan ein unntaksvis, i særlege tilfelle, fråvika kravet om bestått norsktest på B2-nivå

Kva ser vi etter hos deg?

Hos oss er det viktig at du:

• er strukturert
• har gode kommunikasjonsevner
• er pasientorientert
• har respekt for den enkelte pasient
• er sjølvstendig
• trivst med å jobbe i eit tverrfagleg team

Kvifor skal du velje oss?

Hos oss får du:

• Gode pensjons- og forsikringsordningar
• Eit aktivt og triveleg arbeidsmiljø
• Høgt fagleg nivå
• Ein arbeidsplass som er ei inkluderande arbeidslivs-bedrift (IA-bedrift)
• Fagleg og personleg utvikling

Kontaktinformasjon

Hildegunn Horvei, Funksjonsleiar, +47 47241033, hildegunn.horvei@helse-fonna.no
Elisabeth Sortland, Avdelingsleiar, +47 91801476, elisabeth.sortland@helse-fonna.no

Arbeidsstad

Tysevegen 62
5416 STORD

Nøkkelinformasjon:

Arbeidsgivar: Helse Fonna HF

Referansenr.: 4996116614
Stillingsprosent: 100%
Vikariat
Sluttdato: 16.08.2026
Søknadsfrist: 31.08.2025