Engasjement for jusstudent

Finanstilsynet søker etter ein jusstudent i 20 prosent stilling til seksjon for antihvitvasking. Vi ønsker oss ein student som har interesse for finansområdet og antikvitvaskingsarbeid, og som har komme omtrent halvvegs i masterstudiet i rettsvitskap.

Seksjonen har ansvaret for koordinering av arbeidet med antikvitvasking- og terrorfinansiering i Finanstilsynet, under dette regelverksutvikling og deltaking i nasjonale og internasjonale forum. Seksjonen gjennomfører også stadlege og dokumentbaserte kvitvaskingstilsyn i rapporteringspliktige føretak, både åleine og saman med andre seksjonar i Finanstilsynet.

Arbeidsoppgåver

Arbeidet vil bestå av saksbehandling innan finansområdet. I hovudsak vil oppgåvene omfatte saker knytte til behandling av og svar på meldingar etter finansføretakslova om grensekryssande verksemd innanfor EØS-området. Arbeidet inneber kontakt med finansføretaka og andre lands tilsynsmyndigheiter i samband med oppfølging av meldingane. Arbeidet gir god innsikt i både norsk rett og EØS/EU-retten på området. Avhengig av kompetanse og interesse kan det også bli aktuelt med andre arbeidsoppgåver knytte til antikvitvaskingsarbeidet.

Det vesentlegaste arbeidet blir føresett å skje innanfor normal kontortid, men kan tilpassast forelesingar, anna undervisning og eksamensførebuingar.

Kvalifikasjonar

• det er ønskeleg med ein student med gode karakterar, som er omtrent halvvegs i masterstudiet i rettsvitskap og som kan tiltre snarast
• god skriftleg og munnleg framstillingsevne på norsk og engelsk
• vitnemål/karakterutskrifter (f.o.m. vidaregåande) og relevante attestar må leggast ved

Personlege eigenskapar

• positiv og god til å samarbeide
• effektiv og nøyaktig

Personlege eigenskapar og motivasjon for stillinga vil bli vektlagd.

Vi tilbyr

• moglegheiter til å bruke kunnskap frå skolebenken i praksis
• gode moglegheiter for fagleg utvikling
• godt arbeidsmiljø
• kontor i Kvadraturen midt i Oslo
• medlemskap i Statens pensjonskasse
• lønn per dags dato er kr 225 per time

Anna

• Etter utløpet av søknadsfristen vil det bli utarbeidd offentleg søkjarliste, jf. offentleglova § 25.
• Vitnemål og karakterar frå vidaregåande skole og all høgare utdanning må leggjast ved søknaden.
• Søknad kan skrivast på nynorsk eller bokmål.
• Vi utfører bakgrunnssjekk av vedkommande som blir tilsett i stillinga.
• Dei tilsette i Finanstilsynet må følgje strenge etiske retningslinjer, sjå: https://www.finanstilsynet.no/jobb-hos-oss/#Etiskeretningslinjer
• Finanstilsynet er opptatt av mangfald, og vi oppmodar derfor alle kvalifiserte kandidatar til å søke jobb hos oss, uansett alder, kjønn, funksjonsevne, etnisk bakgrunn eller hol i CV. Dersom det er mogleg, vil vi legge til rette for medarbeidarar som har behov for det.  For positiv særbehandling sjå: http://arbeidsgiver.difi.no/positivsaerbehandling   
• For nærare omtale av Finanstilsynet, sjå www.finanstilsynet.no              

Kontaktinformasjon

Brita Daae Hrenovica, Seksjonsleder, 22 93 99 36
Dag Eirik Aurstad, seniorrådgiver, 22 93 97 27

Arbeidssted

Revierstredet 3
0151 OSLO

Nøkkelinformasjon:

Arbeidsgiver: Finanstilsynet

Referansenr.: 4970747185
Stillingsprosent: 20%
Engasjement
Søknadsfrist: 01.06.2025