Er du oppteken av å betre folkehelsa for menneske i Nordfjord kva gjeld psykisk helse? Brenn du for at menneske skal oppleve respekt, likeverd, medverknad og omsorg når dei møter vanskelege periodar i livet? Då kan dette vere arbeidsstaden for deg!

Nordfjord pyskiatrisenter, seksjon døgn har ledig 75% fast stilling. 
Akkurat no er det deg som er sjukepleiar med vidareutdanning i psykisk helsearbeid vi søkjer, men vi kan tilby økonomisk støtte og tilrettelegging ved vidareutdanning om du ikkje har denne.

Ved Nordfjord psykiatrisenter er vi opptekne av å gjere ein innsats for menneske som møter ulike psykiske vanskar i ulike fasar i livet. Ved Seksjon døgn har vi 12 sengeplassar og om lag 30 tilsette. På psykiatrisenteret er vi tre seksjonar med til saman omlag 80 tilsette, mellom andre psykologar, overlegar, lege i spesialisering, sosionom, helsesportspedagog, erfaringskonsulentar, miljøterapeutar og miljøarbeidarar. Les meir om Nordfjord psykiatrisenter her.

Vi tilbyr

• Får jobbe saman med dedikerte og dyktige medarbeidarar med varierte arbeidsoppgåver.
• Interne fagdagar og undervisning for fagleg og personleg utvikling
• Fokus på eit triveleg og trygt arbeidsmiljø til det beste for oss og pasientane
• Får vere ein del av ein større organisasjon i stadig utvikling
• Gode pensjons- og forsikringsordningar
• Lønn i samsvar med gjeldande overeinskomst
  

Arbeidsoppgåver

• Ivaretaking og behandling av menneske som treng innlegging i psykisk helsevern
  
• Involvere pårørande i behandlinga til deira nære
  
• Delta i miljøterapeutiske aktivitetar som til dømes turar, trening, buldring, musikkterapi og sosiale aktivitetar
  
• Samarbeid med kommunehelsetenesta, NAV og andre tenesteytarar 
  
• Kome med faglege innspel for å utvikle tenestene våra til det beste for pasientane
  
• Tredelt turnus inkludert arbeid på natt, arbeid kvar 3. helg
  

Personlege eigenskapar

• Evne til å møte pasientar med respekt og eit ope sinn
• Evne til å arbeide målretta og vere løysingsorientert
• Ønskje om fagleg utvikling
• Trivst med å jobbe i tverrfagleg team
  
• Oppteken av å bidra til eit godt arbeidsmiljø og har gode samarbeidsevner
  
• Gode kommunikasjonsevner

Personlege eigenskapar vert i stor grad vektlagt

Kvalifikasjonar

• Norsk autorisasjon som sjukepleiar med vidareutdanning i psykisk helsearbeid
• Autorisert sjukepleiar utan vidareutdanning kan også søkje
  
• Interesse for fagfeltet
  
• Må beherske norsk godt, både skriftleg og munnleg
  

Ønskjer du å arbeide med menneske midt i Nordfjord sin vakre natur? Då er dette stillinga for deg!

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Synnøve Merethe Johnsen, Seksjonsleiar NPS døgn, (+47) 578 64 335

Arbeidssted

Sjukehusvegen 9
6770 Nordfjordeid

Nøkkelinformasjon:

Arbeidsgiver: Helse Førde

Referansenr.: 4941829975
Stillingsprosent: 75%
Fast
Startdato: 01.05.2025
Søknadsfrist: 10.04.2025