Møre og Romsdal politidistrikt har styrkt innsatsen mot organisert og profittmotivert kriminalitet, herunder kriminelle nettverk.

Vi søkjer no ein dedikert og resultatorientert leiar som vil ha eit overordna fag- og utviklingsansvar for etterforsking av fagområda organisert kriminalitet, økonomi- og miljøkriminalitet og internasjonalt politisamarbeid i politidistriktet. Derfor treng vi deg med gode relasjonelle eigenskapar og sterk motivasjon for utvikling av etterforskingsfaget i samhandling med andre.

Satsinga medfører oppretting av ein mellombels seksjon for spesiell etterforsking, der dei nemnde fagområda samlast. Seksjonen vil ha ansvar for bruk av skjulte etterforskingsmetodar og bidrag inn i den nasjonale satsinga mot kriminelle nettverk. Seksjonsleiar vil også vere fast deltakar i Tverretatlig leiargruppe for AKRIM-arbeid i politidistriktet i samhandling med eksterne aktørar. 

Stillinga gir direkte personalansvar for to avsnittsleiarar og ein spesialist innan internasjonalt politisamarbeid. Seksjonen består av totalt ca. 30 svært motiverte, dyktige og engasjerte medarbeidarar som bidreg til høg aktivitet og eit godt arbeidsmiljø!

Seksjonsleiar vil inngå i leiargruppa i FEFE og det forventast ei god heilskapsforståing knytt til politiet sitt samfunnsoppdrag. 

Seksjonsleiar vil i tillegg få ansvar som Lokal Sikkerheitsansvarleg for FEFE og moglegheit til å vidareutvikle denne rolla.

Dette er eit unikt høve til å byggje ein seksjon som har ansvar for å nedkjempe alvorleg og samfunnstruande kriminalitet i tett samarbeid med aktørar lokalt, nasjonalt og internasjonalt.

Arbeidsstad er Molde eller Ålesund. Reiseverksemd må påreknast. Kjerneverksemda i driftseiningane og fagfeltet leiast frå Ålesund. Den som blir tilsett må derfor pårekne vekentleg oppmøte i Ålesund.

Varigheit for stilinga er inntil eit år. Organisasjonsendringa på FEFE er mellombels i påvente av andre prosessar.

Arbeidsoppgåver

• Fagleg og administrativ leiar av seksjon for spesiell etterforsking, med personalansvar for leiarar og ein medarbeidar
• Setje retning og skape resultat og felles måloppnåing i samhandling med andre, medrekna andre fagområder og eksterne aktører
• Leie seksjonen slik at alle fagområde blir varetekne og vidareutvikla i samsvar med gjeldande lovverk, sentrale retningslinjer og målsetjingane til politiet
• Motivere og sjå til at seksjonen utviklar og opprettheld godt medarbeidarskap, samarbeid, ønskt kultur og god medarbeidartilfredsheit ved seksjonen og driftseininga
• Sikre eit helsefremjande arbeidsmiljø gjennom dialog og samarbeid
• Inngå i Tverretatlig Leiargruppe AKRIM i Møre og Romsdal politidistrikt i samhandling med andre etatar
• Vere lokal Sikkerheitsansvarleg på FEFE 
• Kan påleggast andre oppgåver

Kvalifikasjonar

Nødvendig:

• Politi(høg)skule, juridisk embetseksamen eller mastergrad i rettsvitenskap
• Brei erfaring innan etterforsking og etterforskingsleiing
  
• Relevant leiarerfaring og/eller leiarutdanning
• God resultatoppnåing i tidlegare stillingar
• Kunnskap om HMS-arbeid eller at slik kompetanse opparbeidast etter tilsetting
• Plettfri vandel og vere skikka for teneste i politiet. Politiattest (uttømmande og utvida) må hentast inn ved eventuell tilsetting, jf. politiloven § 18 og politiregisterloven § 41. Ved søknad på stillinga må ein pårekne at det blir henta inn opplysingar frå enkelte av politiet sine register og system til bruk i vandels- og skikkaheitsvurderinga.

Ønskeleg:

• Vidareutdanning innan etterforskingsleiing og etterforsking
  
• Vidareutdanning innan fagområda 
• Utdanning innan organisasjon og leiing frå høgskole/universitet

Personlege eigenskapar

• Mål- og resultatorientert med god gjennomføringsevne
• Evne til å setje retning, drive endring og skape resultat i samhandling med andre
• God evne til kommunikasjon og relasjonsbygging internt/eksternt
• Medarbeidarorientert og god evne til å støtte og utvikle medarbeidarar
• Samfunnsorientert og har forståing for rolla til eininga i politiet sitt samfunnsoppdrag

Personlege eigenskapar vert særleg vektlagt ved tilsetting i leiarstilling.

Vi tilbyr

• Ei utfordrande og spennande stilling for deg som vil vere med og forme politiet for framtida
• Stillinga vil ha stillingskode 0326 med funksjonstittel politiavdelingsleiar
• Brutto årslønn er frå kr. 800 000 til kr. 875 000
• Godtgjersle etter gjeldande ATB belastande unntak på kr. 41 806 
• For særskilt kvalifiserte kan noko høgare lønnsplassering bli vurdert
• Du vil bli medlem i Statens pensjonskasse som gir deg mange gode i tillegg til livsvarig alderspensjon. Les meir om tilsettingsgoda dine på spk.no/medlemskap-i-spk. Det blir trekt to prosent frå løna til innskot i Statens pensjonskasse.
• Fleksibel arbeidstid og mogelegheit for trening i arbeidstida
• Møre og Romsdal politidistrikt er ei IA-bedrift og er knytt til bedriftshelseteneste
  

Tilsetting skjer på vilkår fastsett i statsansatteloven og personalreglementet for politiet, derunder at prøvetida er seks månadar.

Kontaktinformasjon

Linn Breivik Erstad, Fung. driftseiningsleiar, +47 92813729

Arbeidsstad

Nedre Strandgate 50
6005 Ålesund

Nøkkelinformasjon:

Arbeidsgivar: Møre og Romsdal politidistrikt

Referansenr.: 4934486108
Stillingsprosent: 100%
Førebels
Startdato: 01.06.2025
Søknadsfrist: 13.04.2025