Urnes stavkyrkje er eigd av Fortidsminneforeininga. Den vart lagt inn på verdsarvlista i 1979, som den første norske representanten i lag med Bryggen i Bergen. Ein buffersoneplan rundt verdsarvminnet er vedteken.

Stillinga som verdsarvkoordinator er lagt til Luster kommune.

Me har ledig 100 % fast stilling som verdsarvkoordinator for verdsarven Urnes stavkyrkje og tilhøyrande område. Oppstart etter avtale.  

• Verdsarvkoordinator si hovudoppgåve er å identifisere, verne og forvalte verdsarven sin store universelle verdi, og arbeide for at verdiane i og rundt verdsarven vert ivaretekne.
• Verdsarvkoordinator sine næraste samarbeidspartnarar er lokale grende- og bygdelag, Fortidsminneforeininga, Luster kommune, Vestland fylkeskommune og Riksantikvaren.

• Medverke til, og vere pådrivar og støttespelar for ei utvikling som både tek i vare verdsarvkvalitetane og medverkar til ei utvikling i området - i tråd med intensjonen for verdsarv.
• Identifisere, beskytte og forvalte naturarv og andre verdiar som stør opp om Verdsarven.
• Vere kontaktpunkt for verdsarven Urnes stavkyrkje, og syte for eit aktivt kontaktnettverk. Det inneber å involvere ressurspersonar og kompetansemiljø lokalt, nasjonalt og internasjonalt som er viktig for oppfølginga av verdsarven og regionen.
• Vere sekretariat for Verdsarvrådet for Urnes og tilhøyrande områder, og utgreie, iverksette og følgje opp vedtak, samt organisere møte med eigarar og interessepartar.
• Koordinere og bidra inn til den periodiske rapporteringa til UNESCO.
• Arbeide for å gjere verdsarvverdiane kjent og at statusen vert nytta til beste for Ornes og kringliggande område.
• Delta i nasjonale og internasjonale nettverk for verdsarvkoordinatorar.
• Ha oversikt over sentrale oppgåver i- og rundt verdsarvområdet, arbeid som vert gjort og kva rollar dei ulike aktørane har.
• Bidra i arbeid med å løyse aktuelle problemstillingar og identifisere moglege trugsmål mot verdsarven.
• Andre oppgåver definert av Riksantikvaren for statleg finansierte verdsarvkoordinatorar.

 Kvalifikasjonar

• Søkjarar bør ha høgare utdanning (hovudfag/mastergrad) innafor relevant fagområde, til dømes kultur- og historiefag, arealplanlegging og pedagogikk. Relevant erfaring kan kompensere for utdanning på masternivå.
• Det er ønskjeleg med erfaring frå kulturminne- og naturforvaltning
• Det er ønskjeleg med erfaring frå utviklingsarbeid og prosjektleiing/ prosjektarbeid
• Det er ønskjeleg med forvaltningserfaring
• Kjennskap til verdsarvarbeid er ein føremon
• Søkjarar må meistre nynorsk skriftleg og engelsk skriftleg og munnleg
• Gode kommunikasjons- og samarbeidsevner
• Førarkort klasse B
• Personlege eigenskapar blir lagt vekt på

• Gode kommunikasjonsevner
• Gode samarbeidsevner og evne til å arbeide sjølvstendig

• Arbeid i ein veldriven kommune med gode og sikre rammevilkår.
• Eit godt og stabilt arbeidsmiljø med høg fagkompetanse.
• Gode moglegheiter for fagleg utvikling.
• Kommunale tilsetjingsvilkår med gode pensjons- og forsikringsordningar.
• Løn etter gjeldande tariff og avtaleverk.

• Administrasjonsmålet i kommunen er nynorsk.
• Alle faste nytilsetjingar vert gjort med ei prøvetid på 6 månader.
• Me gjer merksam på at i følgje offentleglova § 25, 2. ledd kan opplysningar om søkjaren bli offentleggjort sjølv om du har oppmoda om ikkje å bli ført på offentleg søkjarliste. Dersom du har bedt om unntak frå offentleg søkjarliste vil du alltid bli varsla før søkjarlista vert offentleggjort.
• Søknadar må leverast innan fristen og må sendast inn via rekrutteringssystemet vårt EasyCruit.