Kvalitetsleiar

Er du ein bioingeniør med interesse for medisinsk biokjemi, kvalitetsarbeid og klar for nye utfordringar?

Hos oss på Lab. medisinsk biokjemi og blodbank (LMBB), får du jobbe med moderne analysemetodar i eit dynamisk og sosialt arbeidsmiljø. LMBB er organisert som ei avdeling med seksjonar på sjukehusa i Førde, Lærdal og Nordfjordeid. 

Stillinga som kvalitetsleiar er organisert i stab til avdelingssjef. Avdelinga har i dag eit godt kvalitetsstyringssystem og tilhøyrande kompetanse, og arbeida for å kunne søkje akkreditering for våre laboratorietenester. Den som blir tilsett får ansvar for å samordne kvalitetsstyringsystemet i Helse Førde, i samarbeid med kvalitetsansvarlege og fagansvarleg. Hovudarbeidsplassen vil vere ved Førde sentralsjukehus, og det må påreknast noko reiseverksemd til dei andre seksjonane.

🌟 Her får du:

• Variert arbeid innan medisinsk biokjemi og kvalitet
• Tett samarbeid med erfarne kollegaer i eit team på ca. 55 dedikerte medarbeidarar (bioingeniørar, helsesekretærar, legar og sjukepleiarar) 
• Arbeide med topp moderne utstyr og automasjon
  

🌍 Førde – din nye by:

• Ein sjarmerande by med rikt kulturtilbod, butikkar, restaurantar og arrangement
  
• Fantastisk tilgang til naturen: toppturar, skianlegg, båtliv og fiske rett utanfor døra
• Sentralt plassert mellom Ålesund og Bergen. Oslo er berre ein kort flytur unna
  

🎉 Sosialt miljø:
Bli med på buldring, jogging, quiz, kampsport og andre kjekke og sosiale aktivitetar saman med kollegaer.

Er du klar? Ta gjerne kontakt dersom du har spørsmål om stillinga - og bli ein del av vårt team!
Startdato etter avtale. Vi gledar oss til å bli kjent med deg!

Sjå video for å bli kjent med oss på LMBB Førde

Arbeidsoppgåver

• Leie kvalitetsarbeidet i avdelinga
• Har ansvar for kvalitetsutvikling og kontinuerleg forbetring i avdelinga i samarbeid med avdelingssjef, seksjonsleiarar og fagbioingeniørar.
• Har ansvar for drift og vedlikehald av kvalitetssystemet
• Sikre at kvalitetsystemkrav blir oppfylt
• Planlegge, gjennomføre og følgje opp revisjonar
• Opplæring og undervisning
• Delta i rutinearbeid
  

Kvalifikasjonar

• Autorisert bioingeniør
• Erfaring innan medisinsk biokjemi er ein fordel 
• Erfaring frå kvalitetsarbeid, sertifisering, akkreditering og/eller revisjon er ein fordel
• Gode IT-kunnskaper
• God evne til å uttrykke seg på norsk, både skriftleg og munnleg

Personlege eigenskapar

• Evne til å arbeide sjølvstendig og strukturert
• Gode kommunikasjons- og samarbeidsevner
• Interesse for kontinuerleg forbetringsarbeid
• Fagleg engasjert, interessert og målretta
• Må trivast i eit aktivt miljø med varierte arbeidsoppgåver

Vi tilbyr

• Lønn i samsvar med gjeldande overeinskomst
• Gode pensjons- og forsikringsordningar 
• Opplæringsprogram for nytilsette
• Fagleg og personleg utvikling
• Triveleg og aktivt arbeidsmiljø 
• Arbeid i IA-bedrift
• Sjukehuset kan bidra med å skaffe bustad, opplys i søknaden dersom det er ønskjeleg

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Kontaktinformasjon

Robin-Andre Sørland, Avdelingssjef, (+47) 918 25 148

Arbeidssted

Svanehaugvegen 2
6812 Førde

Nøkkelinformasjon:

Arbeidsgiver: Helse Førde

Referansenr.: 4990132985
Stillingsprosent: 100%
Fast
Søknadsfrist: 27.07.2025