Rådgjevarar/seniorrådgjevarar – opplæring og integrering

Om stillinga

Utdanning- og verjemålsavdelinga har ansvar for rettleiing, tilsyn og forvaltningsoppgåver innan barnehage, opplæring og integrering. Avdelinga skal sjå til at nasjonal politikk vert gjennomført ute i kommunane. Dette gjer vi mellom anna ved å behandle klager, rettleie kommunar om regelverk og statleg politikk og ved tilsyn av kommunane sin praksis. Vi søkjer no etter fleire nye medarbeidarar på opplærings - og integreringspmrådet.

Arbeidsoppgåver

• Tilsyn etter opplæringslova, barnehagelova og integreringslova.
• Klagehandsaming etter opplæringslova og integreringslova. 
• Informere og rettleie kommunar og ålmenta om innhald, lovverk og mål i den nasjonale utdanning- og integreringspolitikken.
• Følgje opp statlege satsingar. 
• Andre oppgåver innanfor avdelinga sitt samla oppdrag.

Kvalifikasjonar

• Master i rettsvitskap eller master i samfunnsvitskaplege eller pedagogiske fag. Relevant erfaring kan vege opp for kravet om mastergrad.
• God kunnskap om kommunesektoren, offentleg forvaltning og Statsforvaltaren si rolle i styringssystemet.
• Interesse for opplæring- og integreringsfeltet.

Personlege eigenskapar

Vi søkjer kandidatar som har:

• evne til å følgje og fordjupe deg i eit fagfelt, og synleggjere aktuelle problemstillingar i eige fylke
• evne til å kommunisere kompliserte problemstillingar på ein god måte, både skriftleg og munnleg
• vilje og evne til å samarbeide, både med kollegaer og eksterne, om å løyse oppgåvene på best mogleg måte
• ønskje om å delta aktivt i avdelinga sitt utviklingsarbeid

Som tilsett hos Statsforvaltaren får du

• interessante arbeidsoppgåver
• eit godt og tverrfagleg arbeidsmiljø
• ein arbeidsplass i utvikling
• medlemskap i Statens pensjonskasse med god pensjonsordning, gunstig bustadlån og forsikringsordning
• trening i arbeidstida
• heimekontor 
• fleksibel arbeidstid
• løn i samsvar med vår lokale lønspolitikk

Vi ønskjer mangfald

Statsforvaltaren ønskjer mangfald, og vil leggje til rette for eit inkluderande arbeidsliv. 

Vi oppmodar alle kvalifiserte kandidatar til å søkje utan omsyn til alder, kjønn, nasjonal eller etnisk bakgrunn, funksjonsevne eller hol i CV-en. Vi oppmodar om å krysse av i jobbsøkjarportalen dersom du har nedsett funksjonsevne, hol i CV-en eller innvandrarbakgrunn. Dersom det er kvalifiserte søkjarar frå desse gruppene kallar vi inn minst ein søkjar i kvar av gruppene til intervju. Les meir om dette hos Arbeidsgivarportalen.

Vilkår

Alle som søkjer stillinga må søkje digitalt gjennom rekrutteringsportalen Jobbnorge. Du må laste opp relevante vitnemål og attestar. Vitnemål og/eller karakterutskrifter hentar du frå vitnemålsportalen i Jobbnorge. Har du utdanning frå utlandet legg du ved godkjenning frå NOKUT. 

Når søknadsfristen er ute, vurderer vi søknaden din på bakgrunn av informasjonen du har sendt oss. Det er derfor viktig at du både i søknadsbrevet og CV-en, viser korleis kompetansen din fyller krava som er sett i utlysinga.

Dei første seks månadane er prøvetid. Du kan lese meir om det i statens personalhandbok.

Tenestemålet til embetet er nynorsk.

Offentleg søkjarliste blir utarbeida etter søknadsfrist. Dersom du ønskjer å reservere deg frå oppføring må du grunngje dette. Du får varsel om reservasjon i rekrutteringsportalen dersom reservasjon ikkje blir teken til følgje.