ID 2039 Fastlegeavtale - Legetenester

Stord kommune har stabil legeteneste, men treng utviding for å betra kapasiteten. Det er godt samarbeid med dei andre faggruppene i helse og omsorgstenesta. Alle legesentera har gode lokale og fleire av dei vil leggja til rette for utvida tal på legar.

FASTLEGEAVTALE

Det vert ledig 1 fastlegeavtale med 800 personar på lista. Avtalen er for tida ved Landsbylegane AS legesenter. Den aktuelle praksisen er sentralt lokalisert i moderne lokale, med elektroniske pasientjournal og eigne kvalitetssystem. Det er god drift, stabile arbeidsstokkar og tilsette med lang erfaring.

Vilkår for avtalane

Me vil strekkja oss langt for å koma i møte faglege utviklingsbehov anten søkjar er spesialist eller treng spesialisering som allmennlege. Kommunen er godkjend utdanningsverksemd og kan gje rettleiing og supervisjon frå røynde legar. Fastløna legar får gode permisjonsordningar og næringsdrivande ALIS lege vil få årleg utgiftsdekking knytt til vidare og etterutdanning. Fastlegen går inn i eksisterande samarbeidsavtale mellom legane ved det aktuelle kontoret.

Vaktordning

Fastlegen må ta del i vaktordning på dagtid og i Sunnhordland interkommunale legevakt. Legevakta har fast stasjon i eit samarbeid mellom 3 kommunar med 31000 innbyggjarar. Det vert om lag 3 vakter/mnd. og høve for ekstravakter. Vaktdøger er oppdelt med tilstadesvakt for lege og sjukepleiar i fastlønsordning. Legevakta er samlokalisert med interkommunal sengeavdeling (KAD) i nye moderne lokale og nær Stord sjukehus og ambulanse.

Krav til stillinga

• Godkjent norsk autorisasjon som lege.
• Søkjar må ha fullført turnusteneste eller fått godkjent tilsvarande teneste av Statens Autorisasjonskontor for Helsepersonell som gir høve til å praktisere som fastlege.
• Ha refusjonsrett frå Helfo.
• Spesialist i allmennmedisin, under spesialisering eller vil påbegynne denne
• Gode samarbeidsemner
• Du må vere fagleg interessert, positiv, serviceinnstilt og kunne jobbe sjølvstendig samtidig som du også må kunne jobbe i team
• Det må leggjast fram politiattest av ny dato

Me legg vekt på gode referansar som gjeld fagleg dugleik og personlege eigenskapar i høve samarbeid. God norsk språkutøving og kulturforståing er viktig. Me kan tilby eit godt arbeidsmiljø, dyktige medarbeidarar og ein arbeidsplass der det er fokus på eit fagleg godt tilbod til pasientar og tilsette. Me har godt samarbeid med vel-fungerande lokalsjukehus på Stord.

Vilkår for fastlegeavtale elles går fram av gjeldande forskrift, retningsliner og tariffavtalar. Kommunen vil leggja til rette for næringsavtale eller fastlønna stilling ut frå søkjar sitt ønske. Samstundes er det ønskeleg med lege som på sikt ønsker å drive sjølvstendig næringsdrivande fastlegepraksis.

Løns- og arbeidsvilkår er i samsvar med gjeldande kommunalt avtaleverk.

Dersom søkjar ynskjer å verta unnateke frå offentleg søkjarliste, må det grunngjevast. Opplysningar om søkjaren kan bli offentleggjort, sjølv om søkjar har bedt om ikkje å verta oppført på søkjarlista. Søkjar vert varsla dersom ynskje om reservasjon ikkje vert teke til fylgje.

For ytterlegare opplysingar om stillingane:

Kommunalsjef Anne Karin Fossdal kan kontaktast på 907 62 789, e-post: anne.karin.fossdal@stord.kommune.no.

Kontakt elles gjerne Landsbylegane AS v/Etai Bogen på: 993 61 047, e-post: eatibogen@mac.com.