Barnehagestyrar - 100% vikariat

Vikedalen barnehage har ledig eit vikariat som styrar i 100% stilling fram til desember 2026. Stillinga er delt med 40% administrasjon og 60% på avdeling. Styrar er medstyrar saman med einingsleiar barnehage som har 40% av stillinga si lagt til styrarrolla.

Dei kommunale barnehagane i Sykkylven er organisert i ei eining, fordelt på tre barnehagar. Dette er Blakstad Naturbarnehage (1 avd.), Ullavik barnehage (4 avd.) og Vikedalen barnehage (4 avd.). Våre felles satsingsområder er Relasjonskompetanse, Språk, Friluftsliv og Solid Start Sykkylven.

Meir informasjon om barnehagane finn de på Sykkylven kommune si heimeside -  https://www.sykkylven.kommune.no/tenester/barnehage/kommunale-barnehagar/

Vi oppfordrar menn til å søkje.

Arbeidsoppgåver

Styrardelen av stillinga inngår i einingsleiar si leiargruppe i lag med styrar på Blakstad Naturbarnehage og styrar på Ullavik barnehage. Oppgåvene vil ha fokus på personal, økonomi og fagleg utvikling i barnehagen.

Resten av stillinga vil ha rolle som barnehagelærar på ei av barnehagen sine avdelingar.

Barnehagelæraren har, i lag med pedagogisk leiar, ansvar for å drive avdelinga i samsvar med gjeldande lover og forskrifter, inkl. Lov om barnehagar, rammeplan for barnehagar, årsplan samt andre kommunale vedtak og bestemmingar som har betydning for barnehagen si drift.

Barnehagelæraren må sjå på barnehagen som ein heilskap og ha omsorg for alle barn, og skal aktivt delta i den faglege utviklinga av barnehagen.

Kvalifikasjonar

• Ønskeleg med erfaring frå styrarrolla
• Barnehage-/førskulelærarutdanning eller anna relevant pedagogisk utdanning på høgskulenivå med vidareutdanning i barnehagepedagogikk
• Ved tilsetting må det leggast fram politiattest av ny dato, jf. barnehagelova

Personlege eigenskapar

• Evne og vilje til samarbeid og å kunne stå i dei utfordringane som fyl med rolla som leiar
• Du er ein person som evner å både arbeide sjølvstendig og i team
• Du er ein person som trivest med at det skjer mykje rundt deg samstundes som du klarer å halde fokus
• Du er ein person som har evner til å setje seg inn i, og bli ein aktiv medspelar i dei prosjekt som er etablerte i barnehagen, og likedan som kan vere med på å initiere utvikling i tråd med dei planar og føringar som den pedagogiske leiinga legg
• Du er ein person som har evne og vilje til utvikling, både for eigen del og i høve til barnehagen som organisasjon

Personlege eigenskapar vil bli vektlagt

Vi tilbyr

• Utfordrande og varierte arbeidsoppgåver 
  
• Gode kollegaer og triveleg arbeidsmiljø  
  
• Gode pensjons- og forsikringsordningar
• Tilsetting i samsvar med offentleg avtaleverk

Offentlegheit
Vi gjer merksam på at det er offentleg søkjarliste. Unntak frå offentlegheit må grunngjevast jf. offentleglova § 25 andre ledd.

Vitnemål og attestar
Vi ber om at søkjar leverer vitnemål og attestar slik at det blir rekna ut rett ansiennitet og løn. Vitnemål kan hentast inn frå Vitnemålsportalen under vedlegg i søknaden.

 

Kontaktinformasjon

Steinar Klokk, Einingsleiar, 95972727, steinar.klokk@sykkylven.kommune.no

Arbeidsstad

Gråurvegen 2
6230 Sykkylven

Nøkkelinformasjon:

Arbeidsgivar: Sykkylven kommune

Referansenr.: 5006237961
Stillingsprosent: 100%
Vikar
Sluttdato: 30.11.2026
Søknadsfrist: 07.09.2025