Ingeniør - CAD/PLM

Vil du bli ein del av vår tekniske avdeling?

Ser du potensialet i 2D og kan visualisere det i 3D? Eller evnar du å få dataprogram til å samarbeide? 
Då kan dette vere jobben for deg.

 

Om jobben:

Du vil ha ansvar for våre CAD- og PLM-program, og vere med på å utvikle produkt og lage produksjonsunderlag. Kvardagen er variert, og det er viktig å kunne prioritere oppgåver effektivt. Det er ikkje alltid du vil kunne fullføre planen du har lagt for dagen, fordi andre prosjekt må prioriterast. Evne til nettopp å prioritere, ha mange tankar, rekkverk og prosjekt i lufta på ein gang, og til slutt lande dette i lag på ei god måte er viktige eigenskapar å ha i denne rolla. Vi er midt i ein prosess med å integrere CAD- og ERP-systema våre, og du vil ha ei nøkkelrolle her. Teknologien endrar seg raskt, og vi treng di hjelp til å halde oss i front.

 

Vi ser etter deg som:

• Har interesse eller erfaring med CAD og PLM
• Har teknisk innsikt
• Arbeider systematisk, sjølv når det er travelt
• Er positiv og vil lære nye ting

 

Slik søkjer du:

Send søknad, CV og vedlegg via lenka på denne sida.
Har du spørsmål om opplasting av CV? Kontakt Jobbnorge på tlf. 75 54 22 20.

 

Spørsmål om stillinga? Kontakt oss:

Teknisk sjef Jan Olav Hoggen, tlf. 951 70 854
 

Flytte til Ørsta?

Vil du ha kort veg til jobb, barnehage og SFO? Då er Ørsta staden for deg og familien din. Her finn du vakker natur og gode jobbmoglegheiter. Ørsta ligg sentralt til på Sunnmøre, med tilgang til både kyst- og fjellområde for gode naturopplevingar. Her kan du nyte skiturar om vinteren og båtliv om sommaren.

I tillegg er regionen kjend for sitt sterke næringsliv, med moglegheit for personleg og profesjonell utvikling. Med lokal flyplass er vegen kort til resten av verda.

Ørsta og Sunnmøre er ein flott stad å bu og arbeide, så kvifor ikkje flytte hit og starte eit nytt eventyr med familien din?

Stolte av produkta våre spør du?

- Eg er litt stolt av at vi lagar dette her. Og det trur eg borna mine også er.

Gode Kjell! Og Katrin. Og Egil Johan. Og Leifen. Og alle andre fine folk i Vik Ørsta!

75 år med norsk industrihistorie frå to små bygder på Vestlandet. Klart det er lov å vere stolt. Vi går for 75 år til. Minst!

Video: Nanseth Media

. Video: https://youtu.be/TbWMxh1wli4?si=sjCZSNQhfxZTVaea