Fjord1 søker trainee: Økonomi, rekneskap eller lønn

Ynskjer du å utvikle din økonomiske kompetanse i kontinuerlig jakt på smartare måtar å jobbe på? Hos Fjord1 har vi fokus på å nytte det beste som er av teknologi og system for å utvikle vår drift til enno bedre styring og økonomi. Du skal ikkje kunne alt, men som trainee komme med fersk kunnskap, engasjement og nye perspektiv, slik at vi saman kan utvikle oss og skape gode resultat.

Som trainee i Fjord1 vil du oppleve eit år med interessante oppgåver, der du får utfordre deg sjølv med støtte frå fagleg dyktige kollegaer. Vi er ein organisasjon som samhandlar og arbeider på tvers av fagområde med totaliteten av selskapet i fokus. Vi vil gje deg tett oppfølging og ein eigen mentor, slik at du får ein trygg og god start på arbeidslivet.

• har ei sterk interesse for økonomi, rekneskap eller lønnsfaget, gjerne med ei bachelor- eller mastergrad
• er strukturert, lærevillig og ikkje kvir deg for å komme med dine idear til bedre måtar å løyse oppgåver på
• klarer å sjå det store bildet og sammenhengar mellom oppgåver og resultat
• har interesse for business intelligence (BI), grensesnitt og systemflyt
• evner å analysere talmateriale og har ein forståelse for økonomiske samanhenger

• minimum bachelor-, master- eller fagskuleutdanning
• maksimalt tre års arbeidserfaring etter studium
• norskkunnskap minimum nivå B1

Veit du kva perle Florø er? Her finn du eit rikt næringsliv med tradisjonsrik industrihistorie, kombinert med det siste innan nyvinning og teknologi! På fritida finn du eit variert tilbod med godt utbygde treningsmuligheter i studio, på fjell og til havs. Byen har eit rikt kulturliv, frivillege organisasjonar, mellom anna ei handfull badstover på nydelege lokasjonar. Og ikkje minst, eit aktivt og spanande U40 team, perfekt for relasjonsbygging for deg som er ny eller tilbakeflyttar til byen!

Startar du arbeidslivet som trainee via Framtidsfylket Vestland får du ein smidig overgang frå studieliv til arbeidsliv. Gjennom traineeprogrammet får du oppfølging frå eigen mentor og vil oppleve eit støttande fellesskap med andre traineear. Du vil delta på traineesamlingar i løpet av året, har får du fagleg påfyll, personleg utvikling og møte andre traineear. I løpet av året vil du utvide både ditt profesjonelle og personlege nettverk i tillegg til å få oppleve mykje av det beste vi har i vårt vakre Vestland.

Vil du vere med på laget vårt? Send inn søknaden din i dag – vi ser fram til å høyre frå deg!