Byggeleiar

Vestland fylke skal sikre og utvikle gode og vekstkraftige lokalsamfunn og sterke by- og senterområde. Dei regionale tenestene til innbyggarane, organisasjonar og næringslivet skal vidareutviklast med høg kvalitet. Fylket skal sikra ein framtidsretta infrastruktur, med mål om betra samband internt i regionen og gode kommunikasjonar mot resten av landet, og ut i Europa. Den nye fylkeskommunen skal bidra til å bygge ein sterk kultur og identitet på tvers av dagens fylkesgrenser, samtidig som innbyggarane si tilknyting til lokalsamfunna  vert tatt vare på. 

Avdelinga skal gjennomføre planlegging, utbygging, drift og vedlikehald av om lag 5600 km fylkesveg. Ivareta fylkeskommunen sine forvaltningsoppgåver som vegeigar. Vi skal samordne aktørar med ansvar for trafikksikring i fylket. Visjonen vår er å tilby eit effektivt, tilgjengeleg, sikkert og miljøvennleg vegsystem som dekker samfunnet sitt behov for transport og fremmer regional utvikling.

Avdeling Vedlikehald, drift og beredskap har ansvar for å drifte og vedlikehalde fylkesvegane, og å planleggje og følgje opp entreprenørar og økonomi innan tildelte midlar. Avdelinga har eit beredskapsansvar med vaktordning, der vi vurderer og set i gang tiltak som å stenge vegar, eller rydde opp og opne vegar som er stengde grunna uvær, skred eller flaum. Vi følgjer opp arbeidet til entreprenørar på drift og elektro. På vegvedlikehald er oppgåvene mellom anna mindre vedlikehaldsoppdrag som utviding av veg, møtelommer, siktutbetring mm. Det er eit mål å syte for best mogeleg og trygg framkomst på fylkesvegane. For å få til det er det viktig med eit godt samspel mellom vedlikehald, drift og beredskap

Til Vegdrift nord søkjer vi no etter ein byggeleiar for vegvedlikehald med kontorplass på Leikanger i Sogn.

Arbeidsoppgåver

• Fagleg hovudansvar for gjennomføringa og oppfølging av kontrakt
• Utarbeide kontraktsgrunnlag og mindre prosjektering
• Rapportere på økonomi, kvalitet, framdrift og HMS på eigne prosjekt
• Koordinere arbeidet med andre faggrupper og etatar
• Ha kontakt med andre myndigheiter, interessegrupper og media
• Vere SHA-koordinator og YM-koordinator med mindre anna er bestemt av prosjektleiar

Kvalifikasjonar og personlege eigenskapar

• Relevant utdanning frå fagskule eller høgskule. Dersom du har sterk og allsidig praksis eller etterutdanning og gode personlege føresetnader for stillinga, kan vi sjå bort frå utdanningskravet
• Gode IT kunnskapar er eit krav
• Førarkort kl. B er eit krav
• Erfaring innan fagfeltet er ynskeleg 
• Kjennskap til Statens vegvesen sine håndbøker
• Evne til å samarbeide med og handtere grunneigarar, konsulentar, entreprenørar og kollegaer på ein god måte
• Personlege eigenskapar som kommunikasjon og samarbeid vil bli vektlagt
• Sjølvstendigheit og fleksibilitet er eigenskapar som er viktige i stillinga

Vi tilbyr

• Ei fagleg utfordrande og spennande stilling med stor samfunnspåverknad
• Eit sterkt og inkluderande fagmiljø
• Spennande oppgåver og gode vilkår for fagleg utvikling
• Gode forsikrings- og pensjonsvilkår

 

Har du spørsmål til stillinga er du velkomen til å kontakte Rune Sverre Sande på tlf. 918 87 230.

Anna informasjon

Administrasjonsmålet i fylkeskommunen er nynorsk. Alle nytilsetjingar i fylkeskommunen blir gjort med ei prøvetid på 6 månader. Vi gjer merksam på at opplysningar om søkjaren kan verte offentleggjort sjølv om du har bedt om ikkje å stå på offentleg søkjarliste (offentleglova § 25, 2. ledd). Dersom du har bedt om unntak frå offentleg søkjarliste vert du alltid varsla før søkjarlista vert offentleggjort.

Kontaktinformasjon

Rune Sverre Sande, leiar, 91887230

Arbeidsstad

 

Nøkkelinformasjon:

Arbeidsgivar: Vestland fylkeskommune

Referansenr.: 4982986026
Stillingsprosent: 100%
Fast
Søknadsfrist: 09.07.2025