Vil du vere med å utvikle det systematiske arbeidet innan legemiddelområdet på Haukeland universitetssjukehus (HUS) og i Helse Vest ?
 
Systematisk arbeid for kvalitet og pasienttryggleik er ei prioritert oppgåve for sjukehuset, og seksjon for pasienttryggleik har viktige funksjonar for å støtte opp om dette arbeidet. Seksjonen jobbar med ulike overordna system for smittevern, rett antibiotikabruk, styrande dokumentasjon, internrevisjon, risikostyring, meldesystem, klage- og tilsynssaker, forbetringsarbeid med meir. Seksjonen har omfattande samarbeid med dei kliniske einingane og andre stabseiningar. Medarbeidarane i seksjonen jobbar først og fremst i tverrfaglege team, og deltek ofte i lokale, regionale og nasjonale utgreiingar og prosjekt. Seksjonen har ansvar for Regional kompetanseteneste for smittevern i Helse Vest, og Nasjonalt senter for antibiotikabruk i sjukehus.
 
Seksjon for pasienttryggleik er ein av seks seksjonar i Forskings- og utviklingsavdelinga. Seksjonen har 26 medarbeidarar med ulik fagleg bakgrunn, som saman utgjer eit spennande og kompetent fagmiljø.
 
Legemiddelområdet er eit viktig satsingsområde i helsetenesta i tida framover. Den eine 50% stillinga er tiltenkt oppgåver innan regionalt- og lokalt legemiddelnettverk og arbeid med legemiddelretningslinjene til sjukehuset og tilknytte kompetansekrav. Den andre 50% stillinga er tiltenkt oppgåver innan forvaltning av digital søknadsplattform for utprøvande behandling, utviklings- og innovasjonsprosjekt og arbeid med avtalar for legemiddelinnkjøp og legemiddelmangel. Vi søkjer ein eller to fagleg dyktige og utviklingsorienterte farmasøytar , med genuin interesse for å styrkje kvalitets- og pasienttryggingsarbeid innan legemiddelområdet på Haukeland universitetssjukehus og i Helse Vest.

Arbeidsoppgåver

• Stilling 1 (50%):
• Inngå i team med ansvar for å fremje auka legemiddeltryggleik på HUS og i Helse Vest
• Inngå i team med ansvar for opplæring og kompetanseheving innan legemiddelområdet på HUS
• Ha ansvar for utarbeiding og oppdatering av legemiddelretningslinjer på HUS
• Stilling 2 (50%):
• Inngå i eit team som forvaltar ny digital løysing for søknadsbasert, sjukehusfinansiert legemiddelbehandling
• Delta aktivt i arbeidet knytt til legemiddelinnkjøpsavtalar og legemiddelmangel
• Stilling 1 og 2 - andre oppgåver:
• Bidra med legemiddelkompetanse i internrevisjon og hendingsanalyse
• Utarbeide saksdokument innan legemiddelområdet for føretaksleiinga evt. styret på HUS
• Bidra til å svare ut høyringar på legemiddelområdet, i samarbeid med m.a. Legemiddelkomiteen på HUS
• Ved behov, bidra i andre oppgåver i seksjonen   
  

Kvalifikasjonar

• Mastergrad i farmasi med minimum 5 års arbeidserfaring, først og fremst frå sjukehus/sjukehusapotek
• Norsk autorisasjon som farmasøyt
• Erfaring frå leiing av, eller deltaking i, nasjonale, regionale og/eller lokale legemiddelrelaterte utviklings- eller forbetringsprosjekt er ønskjeleg
• God IKT-kompetanse, og forståing av/erfaring med digitale system knytte til legemiddel, inkludert for pasientbehandling i spesialisthelsetenesta
• God munnleg og skriftleg formuleringsevne på norsk
• Erfaring med utarbeiding av saksdokument innan legemiddelområdet
• Erfaring frå forsking- og/eller utviklingsarbeid er ønskjeleg

Personlege eigenskapar

• Dyktig og engasjert, med interesse for pasienttryggleik og kvalitet på legemiddelområdet
• Nytenkjande, kreativ og framoverlent lagspelar, som ser moglegheiter til å utvikle og forbetre fagområdet
• Strategisk og analytisk med god organisasjonsforståing
• Sjølvstendig, ryddig og systematisk
• Relasjonsbyggjar som verdset tverrfagleg samarbeid og samhandling
• Fleksibel med tanke på nye arbeidsoppgåver innan fagområdet

Vi tilbyr

• Fast stilling; anten som to 50% stillingar eller ein 100% stilling
• Utfordrande og varierte arbeidsoppgåver
• Gode moglegheiter for fagleg og personleg utvikling
• Dyktige kollegaer med legemiddel- og tverrfagleg kompetanse, og eit godt arbeidsmiljø
• Moglegheiter for å kunne påverke strategisk utvikling av legemiddelområdet
• Jobbe tett på føretaksleiinga på HUS
• Fleksibel arbeidstidsordning, og god pensjons- og forsikringsordning
• Lønn etter avtale, men innanfor gjeldande tariff

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Vi ønskjer å spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett, alder, funksjonsevne og fleirkulturell bakgrunn. Det same gjeld dersom ein har hatt eit lengre opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kontaktinformasjon

Ingrid Smith, Seksjonsleiar, 92802540

Arbeidsstad

Haukelandsveien 22
5021 Bergen

Nøkkelinformasjon:

Arbeidsgivar: Helse Bergen HF

Referansenr.: 4941826355
Stillingsprosent: 50%
Fast
Søknadsfrist: 11.04.2025