Vert til Flyhistorisk Museum Sola og Torpedoverkstedet

Vertejobben i Sømmevågen

Flyhistorisk Museum Sola og Torpedoverkstedet søker deg som liker å vera vertskap og formidle.

• Formidle flyhistorie og krigshistorie
• Vera vertskap
• Kafédrift
• Resepsjon og butikk
• Lett reinhald
• Stell av uteområde

Arbeidstid: Laurdagar og sundagar (ca 5 timar) i sesongen påske - november, og tysdag - sundag i skuleferien.

Jobben kan passe for studentar, vidaregåande elevar eller andre interesserte.

Oppstart i stillinga vil vera 1. august 2025.

Om musea i Sømmevågen

Gjennom eit besøk på Flyhistorisk Museum Sola får du innblikk i luftfarten si fantastiske utvikling, med vekt på lokal flyhistorie frå Stavanger Lufthavn si lange og innhaldsrike historie. Over 30 historiske fly og andre gjenstandar er stilt ut i den autentiske hangaren frå andre verdskrig. Ny utstillingshall skal vise ulike jagarfly og historier knytt til desse flya.

I Torpedoverkstedet vert ulike personhistorier frå andre verdskrig formidla.

I 2025 opna ny foajé med resepsjon, kafé og butikk.

Kvalifikasjonskrav og eigenskapar

• Du bør ha litt interesse for flyhistorie og/eller krigshistorie
• Du bør like å formidle
• Du må kunne arbeide sjølvstendig
• Du må kunne ta ansvar
• Du bør vere utadvendt og imøtekomande
• Du må kunne ta imot publikum på ein god måte
• Du må like å vera vertskap
• Du må kunne setje deg inn i historiene som vert formidla på musea
• Du må kunne formidle både på norsk og engelsk, gjerne òg litt på tysk
• Du må ha fylt 16 år i løpet av 2025

Alle vertar må levere godkjent politiattest ved tilsetting.

Jærmuseet ønskjer mangfald i staben, og alle kvalifiserte personar vert oppfordra til å søkja, uavhengig av kulturell bakgrunn, alder og funksjonsevne. Me vil gi jenter ei ekstra oppfordring om å søke.

Jærmuseet tilbyr

• God opplæring
• Arbeidstid etter oppsett arbeidsplan for vertar
• Løn etter tariffavtale
• Gratis inngang på alle Jærmuseet sine anlegg.