Professor/førsteamanuensis i helsevitskap st. nr. 16/2025

Om stillinga

Ved Høgskulen i Volda, Avdeling for samfunnsfag og historie er det ledig ei 100% fast stilling som professor/førsteamanuensis i helsevitskap under føresetnad av at styret vedtek å starte sjukepleieutdanning. Dette vert avgjort i løpet av mai 2025.

Høgskulen i Volda planlegg å starte sjukepleiestudium (deltid, 4 år). Etableringa er del av ei større satsing innanfor helsefeltet. Vi har i dag to masterprogram med gode søkjartal, master i helseleiing (i samarbeid med NTNU, Ålesund og Høgskolen i Molde) og master i helse- og sosialfag, og vi har ein doktorgrad i helse- og sosialfag i samarbeid med Høgskolen i Molde, p.t. med 37 ph.d.-kandidatar. Vi søkjer etter deg som kan ha ei aktiv rolle i etablering av sjukepleiarutdanninga, og bygge opp helsefagfeltet på alle utdanningsnivå, i lag med dyktige kollegaer på HVO og i samarbeid med partar i praksisfeltet og ved andre UH-institusjonar. 

Arbeidsstaden er Joplassvegen 11, 6103 Volda (Volda kommune). Det er ønskjeleg med oppstart innan 1. oktober 2025. Men oppstart kan skje etter nærare avtale.

Kvalifikasjonar

Den som blir tilsett må:

• Ha doktorgrad i helsevitskap eller i fagområde med relevans for helsefaglege utdanningar. Det er primært ønskeleg med kompetanse i epidemiologi, folkehelsedata, biostatistikk og kvantitativ metode.
• Ha omfattande forskingserfaring og vitskapleg publisering på relevante fagområde 
• Ha god skriftleg og munnleg formidlingsevne
• Ha gode kommunikasjons- og samarbeidsevner
• Ha stor arbeidskapasitet og evne til å arbeide sjølvstendig
• Ha fagleg engasjement
• Ha pedagogisk  basiskompetanse

Det blir lagt vekt på:

Erfaring med formidling / undervisning  / rettleiing i høgare utdanning

For kvalifikasjonar på ulike kompetansenivå (professor og førsteamanuensis), viser vil til Forskrift til universitets- og høyskoleloven (universitets- og høyskoleforskriften).

Når det gjeld kravet om pedagogisk basiskompetanse viser ein til HVO sine interne retningslinjer for pedagogisk basiskompetanse. Søkjar som evt. manglar denne kompetansen kan tilsettast på vilkår av å skaffe seg denne kompetansen innan 2 år.

Aktuelle søkjarar kan bli kalla inn til intervju og prøveundervisning. Tilsetjing vil skje i tråd med dei faglege behova ved avdelinga.
 

Arbeidsfelt

Den som blir tilsett i stillinga vil undervise og rettleie studentar på bachelor i sjukepleie. 

Avdelinga er involvert i fleire forskingsprosjekt og har god publiseringsaktivitet. Det er venta at alle tilsette er aktive medlemmer i ei av forskingsgruppene ved høgskulen, og bidrar aktivt inn i forskings- og utviklingsarbeid. 

Nokre konkrete arbeidsoppgåver:

• Bidra til kvalitativt god utdanning for bachelorstudentar i sjukepleie, masterstudentar og doktorgradsstudentar i helse- og sosialfag 
• Initiere og gjennomføre forskings- og utviklingsarbeid på høgt nivå, og formidle frå arbeidet
• Undervise i epidemiologi, biostatistikk, folkehelsedata og kvantitativ metode
• Rettleie studentar, særleg i dei avsluttande oppgåvene i utdanningane
• Utføre fagleg-administrative oppgåver

Vi tilbyr

HVO tilbyr varierte arbeidsoppgåver i ei stor, spanande og samfunnsviktig verksemd. 

Avdelinga har eit inkluderande og godt arbeidsfellesskap, der det er høve til fagleg og personleg utvikling. 

Høgskulen i Volda har gode vilkår for forsking, og det finst fleire aktive forskingsgrupper på ulike fagfelt.

• Interessante arbeidsoppgåver ved ein attraktiv høgskule
• Gode vilkår for fagleg utvikling i inspirerande fagmiljø
• Inkluderande miljø med engasjerte kollegaer
• God pensjonsordning i Statens pensjonskasse, SPK
• Fleksibel arbeidstid
• Høve til trening i arbeidstida

Stillinga er løna etter kompetanse og kvalifikasjonar i statens lønsregulativ: 

Førsteamanuensis 101, kr 700.00,- - 850.000,- og professor 1013, kr 850.000,- – 1.000.000,- .

Det vert trekt 2% lovbestemt innskot i Statens pensjonskasse av løna, til pensjonssparing og risikoforsikring, les meir på www.spk.no.

Generell informasjon

Ved HVO er vi opptatt av mangfald. Medarbeidarar med ulik livserfaring vil gjere oss i stand til å finne  gode løysingar på arbeidet vårt. Vi oppmodar difor alle til å søke stillinga utan omsyn til alder, kjønn, funksjonsevne eller etnisk bakgrunn. Du er også velkommen til å søke sjølv om du ikkje kan vise til ei samanhengande yrkeskarriere. Lokala er universelt utforma, og vi legg tilhøva til rette for personar med nedsett funksjonsevne.

Dersom du har nedsett funksjonsevne, innvandrarbakgrunn eller hol i CV kan du bli positivt særbehandla om du kryssar av for dette når du søker stillinga. Vi vil invitere minst éin kvalifisert søkar i kvar av desse gruppene til intervju. For å bli positivt særbehandla på denne måten, må du oppfylle visse krav. Les meir om dette på arbeidsgiverportalen.

Tilsetjing skjer på dei vilkåra som følgjer av lov om offentlege tenestemenn, regulativ, reglement og instruksar som til ei kvar tid gjeld for stillinga, mellom anna lovfesta innskot i Statens pensjonskasse.

Aktuelle kandidatar vert innkalla til intervju. Søkjarar som vert kalla inn til intervju, må ta med originalar av vitnemål og attestar for å dokumentere dei elektronisk innsende vedlegga.

Om søknaden

Alle som søker stillinga må søke digitalt gjennom rekrutteringsportalen Jobbnorge. Du må laste opp relevante vitnemål og attestar. Vi gjer merksam på at søknaden blir vurdert ut frå informasjon som ligg føre ved utløp av søknadsfristen. Det er viktig at du viser korleis din kompetanse fyller kriteria for stillinga

Offentleg søkarliste blir utarbeidd etter at søknadsfristen er ute. Dersom du ønsker å reservere deg frå oppføring på offentleg søkarliste, må dette grunngjevast i Jobbnorge. Du vil bli varsla om reservasjon ikkje blir tatt til følge.

Følgjande dokument/filer skal leggast ved den elektroniske søknaden:

• Vitnemål og attestar, samla i ei fil
• CV
• Doktorgradsarbeid
• Andre vitskaplege arbeid

Dei faglege kvalifikasjonane til søkjarane blir vurdert av eit sakkunnig utval

Kontakt

Dersom du vil ha meir informasjon om stillinga, kan du kontakte dekan Jorunn Sem Fure, telefon: +4770075155 eller e-post: jorunn.sem.fure@hivolda.no

Studiebygda Volda

Midt mellom fjord og fjell på spektakulære Sunnmøre finn du Høgskulen i Volda, med sine lange tradisjonar.

Les meir på www.hivolda.no

. Video: https://www.youtube.com/watch?v=wSlL1WkuUXc