Helsefagarbeidar i pleie og omsorg

Me har ledige

både faste og mellombelse 100% stillingar som helsefagarbeidar. Stillingane er hovedsakleg i heimebaserte tenester, men ei av stillinga må truleg kombinerast med helgevakt ved Aurland helsetun.

Begge avdelingane er organisert i tenesteeininga pleie og omsorg.

Heimebaserte tenester omfattar heimesjukepleie, praktisk bistand, tryggheitsalarm, matombringing, aldersbustader, omsorgsbustader og bufellesskap.

Me har som mål å legge forholda til rette slik at eldre skal kunne få bu heime så lenge som dei ynskjer. Det er om lag 20 tilsette i heimebasert omsorg.

Helsetunet er eit heildøgnstilbod i institusjon med helsepersonell tilgjengeleg heile døgnet. Der er tre avdelingar; sjukeheim, kortid/langtid og avdeling for personar med kognitiv svikt. Aurland helsetun ligg flott til ved Aurlandsfjorden, og har om lag 30 tilsette ved institusjonen. Nybygg med mellom anna fleire pasientrom og omsorgsbustadar er under oppføring.

Arbeidsoppgåver

• førebyggande og rehabiliterande helsearbeid
• yte nødvendig helsehjelp, tilrettelegging og stell
• tverrfagleg samarbeid der brukar har samansette utførdringar/problem
• primærkontakt og koordinere oppgåver knytt til brukar
• jobbar med velferdsteknologi/ kvardagsrehabilitering
• oppgåver delegert frå avdelingsleiar
• samarbeide med sjukepleiar og helsefagarbeidar i utføring av pleieoppgåver
• dokumentasjon i fagsystem etter gjeldande lovverk

Me tilbyr

eit godt og inkluderande arbeidsmiljø. Me er opptatt av fagleg utvikling, og det vert gitt høve til kompetanseheving i form av kurs og opplæring.

Me har stort fokus på kvardagsrehabilitering og velferdsteknologi, du vil få høve til å påverka morgondagens omsorg.

Me nyttar også digitale verktøy i oppfølgingsarbeid. Basen vår er nær sentrum, og rett ved fjorden.

Det er kort veg til omsorgshusvære, og me nyttar arbeidsbil.

• gratis inngang til symjebasseng etter kl. 20.00, og i treningsrom i Aurlandshallen.
• hjelp til å skaffe bustad
• hjelp til å skaffe barnehageplass
• hjelp til å skaffe arbeid til partner

Aurland kommune har i 2023 teke avgjerd om at tilsette i turnus skal få auka minstesats for laurdags- og søndagstillegg frå kr. 70 per time til kr. 80,- per time.

Sjå gjerne også rekrutteringsfilmen og informasjonsbrosjyra til Aurland kommune ved å lime inn desse web-lenkene i søkefeltet:

https://www.visbrosjyre.no/Aurland_kommune/WebView/

https://youtu.be/aFXLAnqaUbI

Kvalifikasjonar

• du må ha autorisasjon som helsefagarbeidar. Søkarar utan fagbrev kan tilsetjast på vilkår om å fullføre slik utdanning innan eitt år
• du må kunne dokumentere gode kunnskapar i norsk, både munnleg og skriftleg
• evne til å jobbe sjølvstendig, reflektere, vere fleksibel og ha gode samarbeidsevner
• det vert lagt vekt på at ein kontaktar brukar med respekt og vere lydhøyr overfor brukar sine ynskjer og behov
• ha IKT kunnskap
• må ha førarkort klasse B

Personlege eigenskapar

Me søker deg som er motivert til å jobbe innan heimebaserte tenester, er lærevillig, set brukaren i fokus, er strukturert og målretta.

Me arbeider både i team og sjølvstendig, det er viktig at du har gode kommunikasjonsevner og er ansvarsbevisst.

I løpet av ein arbeidsdag møter du mange ulike utfordringar, du bør vere løysingsorientert, og kunne iverksette, følgje opp og avslutte oppgåver.

Me legg vekt på personlege eigenskapar.

Løns- og tilsetjingsvilkår

Tilsetting, løn og arbeidsvilkår er i samsvar med gjeldande lovverk, reglement og tariffavtale.

Gode pensjons- og forsikringsordningar.

Tredelt turnus med arbeid kvar 3. helg.

Det blir stilt krav om ny politiattest jf. helsepersonellova.