Vil du leie utviklinga av LAR-poliklinikken vår på Karmøy?

Har du fagleg kompetanse og engasjement for legemiddelassistert rehabilitering – og lyst til å leie utviklinga av poliklinikken for LAR Karmøy?

Som funksjonsleiar for LAR-poliklinikken på Karmøy vil du i dag inngå i leiarteamet ved Haugaland DPS, men frå oktober 2025 blir vi del av den nyoppretta Avdeling for Rus og Avhengigheit (ARA) i Helse Fonna. Det betyr at du får ei nøkkelrolle i vidare utvikling og utforming av poliklinikken – som ein del av ei styrka satsing på TSB-området.

Hos oss er LAR-poliklinikken ein del av fagområdet TSB (tverrfagleg spesialisert rusbehandling), og vi gir behandling til personar med ruslidning. Målet vårt er å tilby eit omfattande og heilskapleg behandlingstilbod i tråd med nasjonale retningslinjer. Rehabilitering og utdeling av LAR-medikasjon er vil vera ein del av våre arbeidsoppgåver.

Du vil bli ein del av eit tverrfagleg team med spesialsjukepleiarar, vernepleiarar, sosionomar, miljøterapeutar, lege og psykologspesialist – som saman arbeider for å gi pasientane eit nytt grunnlag for meistring i livet.

Gjennom å samle ressursar og fagutvikling innan rus og avhengigheit i ei eiga avdeling, ønsker vi å bygge ei god og framtidsretta teneste. ARA vil i tillegg til LAR-poliklinikken på Karmøy, også omfatte LAR-poliklinikk Haugesund, TSB poliklinikk (Haugalandet og Karmøy), TSB-post i Kopervik (ungdomsposten Karmøy) og Avgiftningsposten ved Haugesund sjukehus.

Vi gleder oss til å få ein ny leiarkollega med på laget – og håper det er deg vi får ønske velkommen!

Har du spørsmål eller lurer du på om dette kan vere noko for deg? Ta gjerne kontakt med avdelingsleiar på telefon.

Kva går jobben ut på?

Som leiar vil du:

• Ha ansvar for fagleg utvikling i tråd med nasjonale føringar
• Bidra til kvalitet og pasientsikkerheit
• Planlegge og legg til rette for kompetanseutvikling og internundervisning
• Helda kontakten med samarbeidspartnarar i kommune og spesialisthelseteneste
• Ha ansvar for rekruttering, bemanning og dagleg drift
• Sikra godt samarbeid med tillitsvalde og verneteneste
• Styra drifta innanfor vedtatt budsjett
• Delta i klinisk arbeid og er tett på fag og pasientar

Kva kompetanse er viktig i denne rolla?

• Norsk autorisasjon som lege eller psykolog
  
• Relevant helse- og sosialfagleg utdanning
• Gjerne vidareutdanning innan fagfeltet
• Gjerne leiarerfaring frå rus og psykisk helse
• Gode norskkunnskapar – både munnleg og skriftleg
  
• Førarkort klasse B

Kva ser vi etter hos deg?

Vi ser etter deg som:

• har oversikt og evne til å prioritere
• kommuniserer tydeleg og samarbeidande
• tek initiativ og fullfører det du set i gang
• er ein trygg leiar og kollega som står støtt i endring
• er nysgjerrig på fag og vil bidra til utvikling
• har eit blikk for både detaljar og heilskap

Personlege eigenskapar vil bli vektlagd

Kvifor skal du velje oss?

Hos oss får du:

• Vere med å utvikle eit heilt nytt tilbod for unge i ein viktig livsfase.
• Bli ein del av eit fagmiljø med høgt nivå, mykje engasjement og tett samarbeid.
• Delta i Helse Fonna sitt leiarutviklingsprogram.
• Støtte frå ei godt etablert forskingsavdeling.
• Ein jobb der du faktisk kan gjere ein forskjell – kvar dag

Kontaktinformasjon

Håvard Wester Breistein, Avdelingsleiar
Janne Lyngstad, Avdelingsleiar

Arbeidsstad

Asaldalvegen 1
4250 Kopervik

Nøkkelinformasjon:

Arbeidsgivar: Helse Fonna HF

Referansenr.: 4984190427
Stillingsprosent: 100%
Fast
Søknadsfrist: 27.06.2025