Sjukepleiar

Er du sjukepleiar og har lyst å jobbe i ei variert og spennande avdeling?

Vi har ledig 100 prosent fast stilling på korttidsavdelinga vår (avdeling G). Stillinga fordeler seg med 80 prosent på avdelinga og 20 prosent i ressursbank. Turnusarbeid på dag og kveld, og arbeid kvar fjerde helg om du har langvakter i helga (langvakter er frivillig). Vaktene i ressursbanken går til å dekke fråvær på avdelinga eller andre avdelingar på Alvehaugen.

Avdelinga har god sjukepleiedekning, og du vil jobbe som ein del av eit team på 8 sjukepleiarar, 8 helsefagarbeidarar, lærling og assistent.

Avdelinga har 18 plassar og er organisert i to grupper som samarbeider tett om oppgåver og arbeidsfordeling. Vi tek imot utskrivingsklare pasientar frå sjukehus og pasientar frå eigen heim som treng korttidsopphald. Vi har også nokre pasientar med vedtak om fast plass. Kommunen sin KAD-plass er på avdelinga.

 

Arbeidsoppgåver

Som sjukepleiar vil du ha varierte faglege utfordringar og arbeidsoppgåver knytt til ulike pasientgrupper. Avdelinga tek imot pasientar i alle aldersgrupper, dei fleste er eldre. Pasientane er ofte multisjuke og har behov for rehabilitering, medisinsk utgreiing, behandling eller palliasjon. Vi legg vekt på å ha eit godt samarbeid med pasient og pårørande, og samarbeider tett med andre einingar i omsorg. 

Kvalifikasjonar

• Autorisasjon som sjukepleiar
• God skriftleg og muntleg norskkunnskap
• Tilfredsstillande politiattest

Personlege eigenskapar

• Du likar å jobbe med eldre
• Du er roleg og trygg i utfordrande situasjonar og taklar å arbeide i eit hektisk og variert arbeidsmiljø
• Du er positiv og engasjert i jobben, og er med på å skape trivsel på arbeidsplassen
• Du kan jobbe sjølvstendig og har gode samarbeidsevner
• Du er fleksibel og løysingsorientert

Vi tilbyr

• turnus som inneheld langvakter, heilt eller delvis
• regulerte lønns- og avtalevilkår
• eit godt tverrfagleg miljø med mange dyktige kollegaer
• aktiv bruk av moderne velferdsteknologi
• ein variert og utfordrande jobb med mange spennande arbeidsoppgåver
• gode pensjons- og forsikringsvilkår
• moglegheit for kompetanseheving og kursing
• god opplæring til deg som er ny

Kontaktinformasjon

Gunn Sætre, Einingsleiar 3, +47 98230617

Arbeidsstad

Alvehaugen bu- og rehabiliteringssenter
6065 ULSTEINVIK

Nøkkelinformasjon:

Arbeidsgivar: Helse- og omsorgsetaten

Referansenr.: 4737131899
Stillingsprosent: 100%
Fast
Søknadsfrist: 12.12.2023