Ser du moglegheiter der andre ser utfordringar?

Vi ser etter deg som trivst med å finne gode løysingar i samspel med menneske i krevjande situasjonar. Er du ein person med pågangsmot og engasjement, som ønsker å gjere ein forskjell? Trivst du i ein hektisk arbeidskvardag med varierte oppgåver?

Då kan du vere den vi ser etter!

På Nav Bergen vest har vi ein ledig stilling som rettleiar. Oppgåvene omfattar oppfølging av arbeidssøkarar og personar som av ulike grunnar står utanfor arbeidslivet. Ein viktig del av arbeidet er å kartlegge, rettleie og motivere. Som rettleiar blir du ein del av eit fagmiljø, der vi kvar dag jobbar for å forebygge og redusere utanforskap hos brukarane våre.

Nav Bergen vest er ein del av Nav region Bergen, vi samarbeider tett med dei andre bydelskontora. Kontoret har todelt leiarmodell, med ein statleg og ein kommunal leiar. Den ledige stillingen høyrer til den statlege delen av kontoret. Kontoret har til saman 150 kommunale og statlege tilsette, og vi gir tenester til bydelane Fyllingsdalen og Laksevåg. Vi held til i sentrale og nyoppussa lokale på Vestkanten storsenter.

Arbeidsoppgåver

Som rettleiar vil du:

• gi individuell oppfølging av arbeidssøkarar og andre som har behov for oppfølging frå Nav. Dette inneber kartlegging, rettleiing og motiveringsarbeid med fokus på den enkelte brukar sin kompetanse og moglegheit til å komme i arbeid, utdanning eller arbeidsretta aktivitet.
• følge opp og rettleie gjennom samtalar og samarbeidsmøta, både fysisk og digitalt
• vere i tett dialog med arbeidsgivarar, tiltaksbedrifter, helsepersonell og andre samarbeidspartnarar
• sakshandsame etter lov om folketrygd, lov om arbeids- og velferdsforvaltning, tiltaksforskrifta og anna relevant lovverk

Vi gjer merksam på at arbeidsoppgåver og avdelingstilknyting kan bli endra.

Kvalifikasjonar

Du må ha:

• fullført utdanning på minimum bachelornivå. Relevant erfaring og/eller utdanning kan kompensere for kravet til utdanning.
• god digital kompetanse og evne til å handtere ulike fagsystem
• god skriftleg og munnleg kommunikasjonsevne
• god rettleiingskompetanse
• gode norskkunnskapar

Det er ønskeleg at du har:

• samfunnsengasjement
• kunnskap om arbeidsmarknaden og arbeidslivet sine behov

Personlege eigenskapar

Vi ser etter deg som:

• er trygg og som taklar ein variert og hektisk arbeidskvardag
• raskt set deg inn i nye arbeidsoppgåver og utfordringar
• er  god til å bygge relasjonar, motivere og inspirere
• har gode samarbeidsevner
• er strukturert og har god arbeidskapasitet
• er fleksibel og løysingsorientert

Vi tilbyr

• Spennande og meiningsfylte arbeidsoppgåver på eit viktig samfunnsområde
• Eit godt arbeidsmiljø med engasjerte og kunnskapsrike kollegaer
  
• Relevant opplæring og gode moglegheiter for utvikling
  
• Fleksitidsordning med moglegheit for hybrid arbeidskvardag og trening i arbeidstida
  
• Lønn i stillingskode 1434 rådgjevar frå kr 590 000 til kr 630 000 per år. For særleg kvalifiserte søkarar kan høgare løn vurderast.
  
• God pensjonsordning gjennom Statens Pensjonskasse

Kontaktinformasjon

Ingvild Haugland, Avdelingsleiar, 932 09 972

Arbeidsstad

Loddefjordveien 2
5171 Loddefjord

Nøkkelinformasjon:

Arbeidsgivar: NAV

Referansenr.: 4967065696
Stillingsprosent: 100%
Fast
Søknadsfrist: 22.05.2025