Poliklinikken (BUP) i Ålesund har for tida to ledige stillingar, arbeidet er tilknytta sped- og småbarnsteamet samt eit av generealistteama.

Poliklinikken i Ålesund (BUP) er samlokalisert med akutt sengepost og har eit breitt samansett og spanande fagmiljø som gir differensierte behandlingstilbod til barn og unge, og familiane deira. Personalet på poliklinikken er samansett av fleire yrkesgrupper og er organisert i tverrfaglege geografisk organiserte team.

I tillegg til generalist-team har vi eit akutt/ambulant team og eit småbarnsteam. Vi har etablerte ressursgrupper som mellom anna gir tilbod om spesialisert OCD-og angstbehandling (mellom anna med 4-dagers behandlingsmodell), eit spanande fagmiljø for gruppebehandling, og vi innehar også spesialisert kompetanse for barn og ungdom med eteforstyrringar, psykoser og traumer. 

Vi legg vekt på god kontakt og tett samarbeid med førstelinetenesta, noko som betyr at rettleiingsoppgåver for denne er ei forventa arbeidsoppgåve.

Er du på utkikk etter ei stilling som psykologspesialist der du blir ein del av eit godt fagleg fellesskap? Ta gjerne kontakt så får du høyre meir om oss!

Vi ber om at attestar og vitnemål vert scanna og lasta opp som vedlegg til din CV.

Arbeidsoppgåver

• Utgreiing og behandling av barn og ungdom med psykiske lidingar (av moderat til alvorleg grad)
  
• Rettleiing og samarbeid med våre samarbeidsinstansar (kommunal helsetjeneste, PPT, barnevern osv.) 
• Vere deltakande i rettleiing til andre psykologar (t.d rettleiing/supervisjon)
  

Kvalifikasjonar

• Psykolog med fullført spesialisering innan relevant fagområde (barn og ungdom, eller voksenpsykiatri).
• God erfaring frå arbeid i spesialisthelsetenesta, og gjerne med interesse for arbeid med nevrobiologiske tilstandar (autisme, ADHD m.v.)
• Psykologar som ikkje har fullført spesialisering kan og søke, men må då ha norsk autorisasjon
• Krav om å meistre norsk språk, både munnleg og skriftleg
• Politiattest må leggast fram før tilsetting

Personlege eigenskapar

• Du må ha evne og vilje til samarbeid og omstilling
  
• Du vert kontinuerleg  involvert i fag- og organisasjonsutvikling, og det er forventa aktiv deltaking og sjølvstendig initiativ i denne utviklingsprosessen
  
• Du har stor arbeidskapasitet og evne til å strukturere eigen arbeidskvardag innanfor avtalt arbeidstid.
  
• Du vert ein del av eit tverrfagleg team i seksjonen, og det å vere personleg eigna vil mellom anna bli vurdert opp mot evne til samhandling
  

Vi tilbyr

• Sterkt tverrfagleg samarbeid
  
• Ein inkluderande arbeidsplass
  
• Løn etter gjeldande overeinskomstar
  
• Medlemskap i god offentleg pensjonsordning og fordelaktige forsikringsvilkår

Ålesund er kåra til den vakraste byen i Norge. Ålesund sin vakre Jugendstilarkitektur er viden kjent. Eit mangfald av tårn, spir og vakre utsmykkingar er som teken ut av eit eventyr. Byen og omlandet har eit særs rikt kultur- og konsertliv med nasjonale og internasjonale artistar. Du kan og oppleve eit mangfold av fjordar, øyer og fjell som ventar på å få begeistre deg. Les meir om Ålesund og omland her

Kontaktinformasjon

Inger Ann Berge, Seksjonsleiar, 70167200, inger.ann.berge@helse-mr.no

Arbeidssted

Geilebergvegen 20
6017 Ålesund

Nøkkelinformasjon:

Arbeidsgiver: Helse Møre og Romsdal HF

Referansenr.: 4937564152
Stillingsprosent: 100%
Fast
Søknadsfrist: 13.04.2025