Faste stillingar som sjukevikarar

Om stillinga 

Gulen kommune, for tida ved sone Eivindvik - Gulen sjukeheim, har ledig to faste stillingar som sjukevikar i pleie- og omsorgstenesta. Vi søkjer etter stabile og fleksible medarbeidarar som trivst med varierte arbeidsoppgåver og kan bidra på tvers i eininga ved behov. Det er ønskjeleg med erfaring frå pleie- og omsorgsarbeid. Stillingane inneber arbeid inntil kvar 2. helg. 

• 80% fast stilling som sjukevikar, frå 01.09.26 
• 80% fast stilling som sjukevikar, frå 01.09.26

I Gulen kommune er det løn over tariff for helsefagarbeidarar som går i turnus, samt ekstra helgekompensasjon for gått vakt.  

Sone Eivindvik - Gulen sjukeheim er ei av tolv einingar i kommunen. Eininga yter pleie- og omsorgstenester til heimebuande personar i Eivindvik-krinsen, samt til bebuarar på sjukeheimen, som ligg i Eivindvik.

Arbeidsoppgåver 

Arbeidsoppgåvene vil vere varierte og omfatte pleie- og omsorgsoppgåver tilpassa brukarane sine behov. Den som vert tilsett må kunne medverke til god omsorg og praktisk bistand i eininga. Stillinga inneber også samarbeid med kollegaer på tvers av avdelingar og fleksibel bruk av ressursar ved behov.

Aktuelle arbeidsoppgåver kan vere:

• Direkte oppfølging av brukarar/bebuarar
• Hjelp til personleg stell, måltid og elles daglege gjeremål
• Praktiske oppgåver i avdelinga
• Dokumentasjon og rapportering etter gjeldande rutinar
• Samarbeid med pårørande, kollegaer og andre faggrupper
• Bidra til eit trygt, fagleg og godt arbeidsmiljø
• Andre oppgåver som måtte kome til

Kvalifikasjonskrav 

• Vi ynskjer søkjarar med fagbrev som helsefagarbeidar med relevant erfaring frå pleie- og omsorgstenesta. Andre søkjarar med interesse for fagfeltet og personleg eignaheit kan også verte vurderte
• Må vere fleksibel i eininga og utøve alle typer oppgåver jamfør kvalifikasjonar
• Førarkort klasse B
• Gyldig politiattest 
• Nagativ MRSA/TBC før oppstart i stilling
• God skrifleg og munnleg framstillingsevne (norsk)

Personlege eigenskapar 

• Du er trygg, roleg og omsorgsfull i møte med brukarar og pårørande
• Du er fleksibel og kan tilpasse deg ulike arbeidsoppgåver i eininga
• Du tek ansvar og kan arbeide både sjølvstendig og i samarbeid med andre
• Du har gode samarbeidsevner og bidreg positivt i arbeidsmiljøet
• Du er løysingsorientert og kan handtere ein variert og tidvis travel arbeidskvardag
• Du er påliteleg og stabil
• Du har interesse for arbeid innan pleie og omsorg
• Personleg eignaheit vil verte tillagt stor vekt

Anna 

• Tenestespråket i Gulen kommune er nynorsk
• Tilsetjing etter gjeldande lover, føresegner og avtalar
• For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga
• Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkjaren høve til å trekke søknaden sin før offentleggjering.